16 C
Hakha
Monday, July 26, 2021
- Advertisement -

Ṭial Tharmi

Trump nih Arizona a Tei Lai i President a Ngah Lai – Trump team

Trump team nih Arizona state khualipi Phoenix in tunai bakah thawngthanhnak an tuah i, “Trump nih Arizona a tei lai i president a ngah ṭhan lai,” an ti.

“Nizaan, Arizona state mee 73% lawng an rel lio ah media pawl nih ‘Biden nih a tei cang’ tiin an thanh. Fake news pawl an si.

“Mee rel ding ting tampi a taang rih. Mee an rel thluahmah i zahan in atu karlak hmanh ah Trump nih a phak deng cang.

“Thaizing cun Trump nih a phaknak dingah samfa tiate lawng aa duh cang lai. Mee an rel dih tik cun Trump nih a tei lai.

“Cucaah, mee a dikmi paohpaoh pakhat hmanh taang loin rel dih hna seh. An rel dih hlan lo Mee Zung ah kan zoh hna lai.

“Media nih Biden tei ah an chiahmi hi an i palh ti cu tehte kan piah hna lai cu. Arizona cu Trump ram asi!

“Trump nih Arizona a tei lai i a taangmi state pawl zong a tei hna lai caah president a ngah ṭhan lai,” an ti. Atang video ah an chimmi zoh khawh si.

An Chimmi Hi Asi Kho Tak Maw?

A si hrimhrim lai ti cu kan chim kho lo, nain a si khomi si ko.

Mah kong cu zahan zongah ka ṭial cang. Mah hi hmet law rel khawh si.

Mee rel ding ting tampi a taan rih pinah, an hung rel deuhdeuh i Trump nih a dawi thluahmah (Biden nih a lonh zat a tlawm chin lengmang).

Cucaah an rel dih tik cun Trump nih a tei khawh taktakmi si ko.

Trump nih Arizona a tei cun Biden nih a ngah cangmi mee 264 chungah 11 aa zuk lai i 253 lawng taang lai. Trump nih a ngah cangmi 214 ah 11 aa fonh lai i 225 asi lai.

Cun, atu i Trump nih a lonhnak state 4;

  1. Pennsylvania (mee 20)
  2. North Carolina (15)
  3. Georgia (16) le
  4. Alaska (3) ahhin a tei thai cun 54 ngah lai.

54 + 225 = 279 a ngah lai i teinak a co lai.

Nevada tei a hau ti lo. Trump nih Arizona a tei ahcun Biden nih Nevada (6) a tei zongah 259 lawng a ngah lai caah santlai lo.

Rampumpi ah Thimtu Upa (Electoral College) vote/mee 538 um caah acheu fai simi 270 ngah a herh.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -