16.7 C
Hakha
Thursday, June 17, 2021
- Advertisement -

Ṭial Tharmi

Trump: Keimah hi President Si Hlah Ning Law COVID-19 Kakuaisi Ser ah Kum 5 an Rau Lai

US President Donald Trump nih, “keimah hi president rak si hlah ning law, COVID-19 kakuaisi ser hi kum 5 paoh an rau lai,” tiah a chim.

“Hopaoh nih an chim cio bang, ka ral hmanh nih an chimmi si, keimah hi president rak si hlah ning law, kum 5 chung paoh cu kakuaisi nan ngei lai lo,” tiah Fox News interview ah a chim.

“FDA, company pawl le kakuaisi sernak ah aa telmi vialte heh lawh ka hnawh hna, hohmanh nih keimah tluk in an hnawh bal hna lo,” ati.

Tuni, Zarhpini in Pfizer le BioNTech company sermi COVID-19 kakuaisi cu US rampumpi ah phawtzamh an thok cang. Nihnihni le Nithumni ah tam deuh phawtzamh chap rih an timh.

July thla ah, US cozah nih Pfizer company cu COVID-19 kakuaisi na ser khawh ahcun kakuaisi chunh 100 million caah le phawtzamhnak caah tangka $1.95 billion kan in pek lai, tiin lungtlinnak sachoh a rak tuah.

Trump nih, “atu cu an phawtzamh thluahmah ko cang hih. A piat tein chim ko ning law, kan hnu zarh hmanh khan phawtzamh khawh a rak si cang,” tiah a chim.

Atutiang ah, US ram ah COVIDD-19 zawtnak in minung ting 3 (300,000) deng an thi cang.

Kakuaisi an sermi cu President Trump nih “khuaruahhar sii” a si tiin a thangṭhat. “Mipi caah khuaruahhar in santlai lai. Zawtnak 95% a kham khawh. Company dang sermi kakuaisi pawl zong an ra thluahmah lai,” ati.

Cun, President Trump nih avoi 3nak COVID-19 bawmhnak tangka mipi pek a duhnak kong zong a chim. US mipi cu zawtnak ruangah an har tuk sual lai tiin voi 2 tiang cozah nih tangka a bawmh cang hna.

Trump nih, “lungthiang tein in chim ko ning law, avoi 3nak tangka bawmhnak mipi pek dingin ka si khawh chungin kaa zuam. Democrats nih duh taktak hna sehlaw, a tlamtling colh ko hnga,” ati.

Charhchan: Fox News

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -