Trump: Biden Sinah Uknak Ka Pek Ko Lai

US Hluttaw nih Biden teinak a fehter cangka in President Donald Trump nih “January 20, 2021 ah tluang tein Biden sinah uknak ka pek ko lai,” tiah cathanh a chuah colh.

Trump cathanh cu White House Deputy Chief of Staff Dan Scavino nih a Twitter account ah a thlah.

Trump cu, US Hluttaw ah buainak chuahpi dingin a ṭanhtu pawl a fial hna ruangah Twitter company nih a account a hrenpiak i ca a thlah kho rih lo. Mah hi hmet law tling tein rel khawh asi.

Trump nih, “thimnak phichuak cu ka lungtling naisai lo nain, January 20 ah tluang tein uknak ka pek ko lai,” ati.

Cun, kai cuh ṭhan te lai ti zong a chim. “Ka term 1nak a donghnak si hmanh sehlaw, America a Liannganter Ṭhan dingin kan i zuammi a hramthok lawng si rih,” ati.

Trump cu kum 2024 ah president aa cuh ṭhan te lai, tiah ramkhel thiamsang tampi nih an chim. Tutan i Trump cathanh zoh tikah cuh ṭhan aa tim tak ko ti a lang, aa leet te hnga dek maw.

President-thimmi Joe Biden nih kum 2021 chungah ralzaam 125,000 ka lak hna lai, ati. Mah hi hmet law tling tein rel khawh asi.

Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Chin ralkap nih Myanmar ralkap 3 an thah hna

Zotung pengah uknak firtu Myanmar ralkap 3 kan thah hna, tiah CDF-Zotung nih a chim. "Matupi khua in raltuk...

UNHCR Card/Catlap thlen kong – Malaysia

Kum 2020 le 2021 chungah UN card/catlap nithla a dihmi pawl rianrang deuh in thlen piak hna dingin...

Sawmnak: CNA ralkap caah phaisa kawlnak bawlung puai an tuah lai

CNF Malaysia nih CNA ralkap caah phaisa kawlnak bawlung puai kan tuah lai caah Malaysia um Chinmi vialte...

CNA ralkap caah Malaysia um Matupi nih RM2,000 an hlut

Malaysia um Matupi kan unau hna nih CNA ralkap caah RM2,000 an hlut. CDF-Matupi Battalion 2 Cingtlang Bawmtu...