15.3 C
Hakha
Monday, June 21, 2021
- Advertisement -

Ṭial Tharmi

Tonzang pengah ‘pu (silkworm)’ zuatnak an tuah than

Chin state Tonzang pengah hlan lio ah an rak aungmin mi pu rungrul (silkworm) zuatnak rian an tuah ṭhan. “Nikhua le vawlei sining zoh tikah kan awngmin ṭhan ko lai ti kan zumh,” tiah U Suan Lian Pau nih a chim.

“Tonzang peng ahcun bing cin ti dah lo cu tangka ngahnak lam zeihmanh um lo, mah ruangah pu zuat hi hlan lio zongah kan rak awngmin balmi si caah tuah ṭhan usih kan tinak si.

“Kanmah tangka chuah in Tuluk ram ah pu ci le pu eimi thingkung ci kan lak i ni kum in vawlei acre 3 ah pu zuatnak kan tuah.

Pu

“Japan le Thailand zongah pu zuat ning cu kan va lehla i zuarnak zong a har lomi kan hmuh. Sipuazi caah kan tuahmi cu si lo. Hlan lio ah Tonzang peng ah an rak awngmin balmi si caah atu zong tuah khawh asi rih ko ti kha tehte caah kan tuahpiak mi hna asi.

“Hnu ah midang zong nih pu zuatnak tuah cio hna seh ti kan duh. Ka hin cun vawlei zong a tha. A herhmi thiamnak le thilri zong a tling,” tiah a chim.

Tonzang peng i pu zuatnak hna cu thilman a kai caah an hmuhmi tangka an i kaih ti lo ruang, cozah nih pu inn a cawkpiak ti hna lo ruang le pu inn cawknak a um ti lo ruangah kum 2005 ah an rak ngol.

Pu eimi thingram

Suan Lian Pau nih, “Chin state cozah nih pu zuatnak tuah dingin tender a auh. Mah vialte cu Tedim ah si. Fianghlang tein chim ahcun Tedim ahhin nikhua ruangah kum 1 voi 1 lawng zuat khawh asi lai.

“Tonzang ahcun pu zuat a thokmi zong an um cang caah, cozah nih bawm hna sehlaw zei tluk in dah a ṭhat lai. Tonzang ahcun kum 1975 hrawng in khan pu zuat an rak awngmin cang.

“Nain, cozah nih ṭha tein a rak bawmh khawh hna lo ruangah an ngolnak si. Vawlei kong ah siseh, nikhua kong ah siseh Tonzang peng hi hmun rem bik asi caah cozah nih bawm hna seh ti ka duh,” tiah a chim.

Charhchan: Chin World

Pu zuat ning VIDEO

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -