15.1 C
Hakha
Monday, June 21, 2021
- Advertisement -

Ṭial Tharmi

Tonzang peng ah ‘bing’ an cinmi zaka ah tawlreba cin dingin cozah nih bawm hna — Tonzang MP

Salai C Lian | Chin World — Chin state Tonzang peng i bing an cinmi hi hrawh i mah zaka ah tawlreba cin dingin cozah nih bawmh an herh, tiah Tonzang peng Chin state Hlutdaw MP U Thawng Khu Mang nih a chim.

MP U Thawng Khu Mang nih, “kanmah nih a hmun kan zoh i bing nan cinmi hi kan hrawh lai kan ti hna, nain anmah nih hanghnah in a saṭhu nak dingah tangka an ngei lo, tahchunnak ah lawlawse tangka nan bawmh khawh hna lo zongah thla 3 lole thla 5 hrawng an ei ding bawmh an hau.

“Keimah pumpak bakin voi 2 tiang thil sining ka va zoh. Ka chimmi hi anmah zong an dihlak in an lungtling,” ati.

“Chin state Hlutdaw chung ahcun ṭuanvo ngeitu vuanci zung nih ‘simanking in hrawh khawh si lai’ ati. Bing cinmi hrawh ding simanking cu a um cang, nain 2020 ah a tlamtlin ter dingin ṭuan hram kan thok lai.

“Cun, bing cinmi vialte hi adang cin in a saṭhu dingin Hlutdaw nih a ṭuan lo cun, bing an cinmi hi hrawh a fawi lo cu awh.

“Kanmah nih a hmun zoh in a cingmi pawl biaruahnak tuah hnu ah a dang cin in a saṭhu khawh si lai. A taktak ahcun mipi nih an duh zong duhlo zongah caan saupi zoh awk a ṭha lo. Hitin kan zoh sawh peng cun hmailei ah harnak tampi a kan pek lai,” ati.

Chin state chungah bing cinnak hmun hna cu; 2015 – 16 ah 1320 acres, 2016-17 ah 69.25 acres le 2018-19 ah 134 acre tiin Chin state cozah nih a hrawh cang, tiah June 26 ah tuahmi Ritsii Dohnak Puai ah Chin state cozah hruaitu Salai Lian Luai nih a chim.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -