Tleirawl pa cu French fries, Potato chips a ei peng ruangah a mitcaw

- Advertisement -

Tleirawl pa pakhat cu French fries le patato chips a ei tuk ruangah vitamin a bau i kum 17 a si ah a mitcaw. Kum 14 a si lio in a mit khuahmuhnak duhsah tein a rawk thluahmah i kum 15 a si ahhin khua zong a thei ti lo.

England ram, Bristol khua ah a ummi tleirawl pa cu atu hi kum 19 a si cang. Kum 10 chung thingthei le anhringso a ei bal lo.

Nifatin rawl ah a eimi hi French fries, potato chips, sausages ro tein kiomi le sandwich hna an si.

Min langhter lomi tleirawl pa cu college ah IT kaimi a si nain vitamin tampi telhin vitamin B12, copper le vitamin D a bau ruangah a mitcaw, a hnachet caah sianginn kai tiang aa phuak.

Amah cu hawi bantuk in taksa zong a ngei ko. Vitamin tamtuk a bau ruangah a mitcawt hi a si.

“Atu cu keimah lawng ka um peng cang. Ka ngakchiat lio ahcun ka hawile leng kan chuak, bawlung kan chuih tti hna. Nain, atu ahcun ka tuah ngam ti lo,” tiah mipa nih a chim.

“Ka fapa cu sianginn a dih in khan college ah IT a kai. Nain, a mitcawt ruang le a hnacheh ruangah college in aa phuak. Atu ahcun a duhmi rian zong a ttuan kho ti lo. Tuan ahcun zuu dawr ah rian ka ttuan nain atu rian kaa phuak i caantling in ka fapa ka umpi,” tiah hringtu nu nih a chim.

“Hnah a tampi an hringso le thingthei ah Vitamin B a tam. An nih cu rawl ei a duh lo paoh ahcun a nulepa nih french fries an cawkpiak. Calories a tling nain nutrients a chanbau. A leng zohnak ahcun a ngamdammi ngakchia a lo ko. Nulepa hi iralrin taktak ah a ttha,” tiah sibawi pa nih a chim.

Follow US

102,152FansLike
53FollowersFollow
734SubscribersSubscribe

Ṭial Tharmi

CRC Zung Ṭhial Theihter Ṭhannak

Kuala Lumpur: Hawikom dawt hna kan hnu ah CRC zung thial asi lai timi thawng kan rak in thanh cang hna bang...

Blackpink cu awtha minthang lakah YouTube subcriber tambik ngei 2nk asi

South Korea nu hlasa phu Blackpink cu vawlei cung awṭha minthang vialte lakah Youtube subscriber tambik ngei 2nak asi cang, tiah a...

Chan Chan nih Khrihfa zumtu ttha a silo tiin a soiseltu mipi sinah fianternak a tuah

Khrihfa a simi awttha Chan Chan nih biaknak kong he pehtlaiin a soiseltu mipi hna sinah fianternak a tuah.

Tuni Malaysia Covid-19 mizaw thr 101 an si

Tuni September 29 ah Malaysia ram ah Covid-19 zawtnak ngeimi 101 an hmuhchap hna. Zawtnak ngei a zaleng an hmuh hi a...
- Advertisement -