Nihin ah Karen nih an Kumthar an kan sawm ve i, chikhat ka vai itel kho ve. Weekday (riantuan ni) ah an tuah nain hall minung 1,500 tlum ah an khat dih.
An fale an mino hrim nih tha an chuah taktak, an thil thuam an ihruk dih.
Kachin le Mon zong mitlawmte an sinain an Kumthar le an Miphun ni ah pakhat hmanh bauloin an chuak ti awk in an um.
Kan miphun kong ka hun ruah; zapi itel kho usih tiah Zarhteni isel in kan Miphun Ni kan tuah hmanh ah kan chuak lo. Weekday hna ah tuah chinchin usihlaw hruaitu hmanh kan chuak dih men lai lo.
Khual kan sawmmi hna hmai khah hmanh asi lailo.
Cheukhat Khrihfabu hna cu program hna an suai salam. An Khrihfabu Calender ah CND tiin a langh hmanh ah a buaimi an um rih.
Zei Miphun dah ka si ti aa hngallomi kan tamtuk. Pastors te zong hramthawk thlacam thiahmi lawng an chuak.
Chankhatnak ah hiti ningin kan si ko ahcun, Pulpit cungin kan tlau lailo ti hna chim cu hmurka thling a za.
Australia le US ah chan 5 zong um ko hmanh law, zeitik hmanh ah na tefa nih an ton peng dingmi cu cu; Where are you from? What is your ancestry? ti hi an si.
Vawleicung ah Miphun a ngeilomi kan um lo. Miphun kip nih nisunglawi kan ngei dih cio hna. Hi kan Miphun sinak hi kan kaltak khawhmi asilo; kanmah nih kan dirhkamh le kan sunhsak a haumi asi.
Cattialtu: Ram Tinthei (Australia)
