Tu zingka ahkhan Myanmar-India rammi Chin state, Rihkhawdar khua pawng i Tio tiva ah miruak pakhat an hmuh.

Mithi ruak cu Tha Hlei Chuma a si tiah an fehter.

Tha Hlei Chuma (kum 37) cu Falam peng, Khiangrawn khua in India ram, Mizoram state i Zo Khua Thar khua ah aa tthialmi a si.

“A thimi chungkhar nih an chimnak ah Tha Hlei Chuma cu Zarhpini zingka ah Rihkhawdar khualei ah zuu a va ding. Thaithawh a ei dih hnu ah ramlak ah ka kal lai a ti i a chungkhar nih an thloh ko nain a duh lo.”

“Zaanlei tiang inn a ttin bal ti lo caah phone an chawnh. Tu zingka ah Tio tiva ah motor a ttawlmi pawl nih miruak an hmuh caah tiva kam ah an hun phorh.”

“Zeiruang ahdah a thih ti cu kan hngal lo nain a ruak zoh tikah a cel le mittlang ah hmaneh 7 kan hmuh. A ruak cu Zo Khua Thar palek nih an check dih hnu ah Zo Khua Thar lei ah an kalpi,” tiah Rihkhawdar khua sangbawi Chan Liana nih a chim. _ Zalen

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.