Tial Thang nih “Paul cu Ka Tei Lai caah Ka Lung Ṭha Lo” a Ti

Tial Thang le Paul Lumihi cu February 5 ah aa ṭhua ding an si bang, “nan i ṭhuat ding cu zeitin na ruah?” tiah an hal.

Tial Thang nih, “ka tei lai caah a caah ka lungṭha lo,” ati.

“Paul kong cu tam ka ruat lo. Zeitin dah ka ṭhuat lai ti ka hngalh ko i mu… zei bantukin aa ka ṭhuat zongah timhcia ka si ko.

“A nun ning zei bantuk a va si zongah, ka chungkhar cawm ka hauh ve caah ka tei lai, cucaah a caah ka lungṭha lo,” ati.

Indonesia rammi Paul Lumihi cu sifak ngai an rak si caah a ngakchiat tein a naule a rak zohkhenh hna tu asi.

2019 in ONE Championship ah a lut i voi 3 aa phomh cang. Voi 3 ningin a sung.

US um Chin pasal Tial Thang cu ONE Championship ah voi 2 aa ṭhua cang i voi 2 ningin a tei hna.

Voi khatnak ah Yangon ah Cambodia pa Rin Saroth a tei. Voi hnihnak ah Malaysia ah South Korea pa Kim Woon Kyoum a tei.

Tutan hi avoi 3nak aa ṭhuat si lai.

Malaysia ah Tial Thang nih South Korea pa Kim Woon Kyoum a tei lio – a rak zultu saya Martin le Aungla he

Tial Thang nih, “Paul he kan i ṭhuat tik zongah, a hramthok in a dongh tiang tei dingin ka ṭhuat peng lai. Paul zong ṭhuat a thiam bak vemi si caah mipi nih ṭhuat puai ṭha taktak an hmuh lai.

“A donghnak cun keimah nih teinak kut ka thlir lai,” ati.

Tial Thang nih South Korea pa a tei lio VIDEO zoh ṭhan a duhmi caah

Naite ah Tial Thang a saya pa Aung La le Martin an sungh caah mi tampi cu ṭawhcia par bang kan uai dih. Tial Thang a sungh ve cun nga car bang kan car dih ko cang lai dah.

Tial Thang nih a tei lai ti na zum maw, asiloah Tial Thang a sung lai ti na zum maw? Na ruahning comment ve.

Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...