17.6 C
Hakha
Thursday, July 29, 2021
- Advertisement -

Ṭial Tharmi

Tial Thang hi December ah aa phomh kho men i keimah nih umpi hau – Aung La Nsang [VIDEO]

US um Chin pasal “Tial Cung Thang @Tial Thang cu December ah aa phomh men lai,” tiah Aung La Nsang nih zahan ah a phuan.

Aung La cu zahan ah Brandon Vera a tei hnu ah media nih bia an hal.

“Na team hawi Kamaru Usman kha December thla ah Las Vegas khuapi (US) ah aa phomh ding si kaw, na kal ve lai maw?” tiah an hal.

Tial Thang, Yangon bual chung aa phomh lai ah Chin thuam he a luh lio — March 2019

“Ka hngal ve rih lo. Aruang cu mino pakhat a um rih, Tial (Tial Thang) hi December thla ah aa phomh ve kho men.

“Tial hi ka hawikom ṭha si i keimah nih umpi le thazaang pek a hau.

“Kamaru Usman cu Henry nih a zulh te lai,” tiah Aung La Nsang nih a leh.

Biahaltu nih, “nan i ṭhen hau ne cu ti?” tiah a hal chap.

Aung La nih, “si, i ṭhen in tei kan hau ko hih,” tiah a leh.

Tial Thang nih Yangon ah Cambodia pa Rin Saroth a tei lio VIDEO

Tial Thang aa phomh lainak kong cu official in thawngthanh asi rih lo caah biafiang taktak asi rih lo. Aung La nih a theih chungmi lawng si.

Tial Thang zong nih October 9 ahkhan, “Hardknocks 365 chungkhar ah ka kir ṭhan cang. Rak hngak ko uh, i phomhnak thawngpang an thanh zau lai. Dragon Leg cu bual chungah ka zalong ṭhan cang lai hih,” tiah thawng a rak thanh cang.

December thla ahhin Malaysia, Singapore le China ram ah ONE Championship puai 3 a um lai. Khuazei ah Tial Thang aa phomh lai ti hngalh asi rih lo. Official thawngthanh hngak rih ko hna usih.

Aung La nih Tial Cung Thang kong a chimnak cu atang video minutes 2:10 in aa thok

Acung video alai hrawng ah, “Brandon Vera cu a heavyweight champion taisawm chuh dingin na singkhaw ve lai maw, champion taisawm 3 bak na ngei hnga cu mu?” tiah a hal.

“Ka pumrua le ka tungtai nih heavyweight cu a pe deuh lo. Keimah caah cun middleweight hi aa rem bik si. Tu hnu kai phomh cun ka middleweight world champion taisawm ven tu si te lai,” tiah a leh.

“December lole January zongah ka middleweight champion taisawm ven cu ready ka si ko. Atu hi ka cal bite a tleek ko nain, mah dah lo cu ka ngandam ko,” ati.

SCMP zong nih bia an hal ve i, “atu hi middleweight ah a ṭhawngmi an hung tam ngai i ṭansi hna uh. Ka ready ko hih,” tiah a leh hna.

Aung La cu atu lio ONE middleweight le light heavyweight world champion 2 bak asi. Zahan telh in, voi tam ngai a taisawm chuh dingin an singkhaw cang nain an tei kho rih lo.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -