6.4 C
Hakha
Monday, December 9, 2019
More

    Tial Thang cu Malaysia Chinmi nih Sunglawi Taktak in an Don

    Follow Us

    99,419FansLike
    254SubscribersSubscribe

    Ṭial Tharmi

    - Advertisement -

    Kuala Lumpur — Chinmi nih ONE Championship (MMA) i ṭhuatnak ah kan ngeihchun Tial Thang cu a sayapa Aung La Nsang he November 30 zingka 8:30am ah Malaysia an rung phan i Chinmi tampi nih sunglawi taktak in an don hna.

    Malaysia um Hakha Pawngkam Fellowship (HPF), CYOM, CNF le Hakha Khuathar pawl nih banner ngan pipi i put in Kuala Lumpur International Airport (KLIA) ah an don hna.

    An donmi hna kong cu Aung La Nsang nih, “Kuala Lumpur ah kan ṭum ka asi. Chin kan unau pawl nih sunglawi taktak in a kan don. Lumsa tukin na kan don caah kan i lawm,” tiah minung 1.3 millions nih an like mi a official page ah hmanthlak he a tar.

    Tial “Dragon Leg” Thang cu December 6 ah Kuala Lumpur um Axiata Arena bual chungah South Korea pa Kim Woon Kyoum he an i ṭhua lai.

    Axiata Arena bual cu LRT tlanglawng nai cit ahcun Bukit Jalil station ah ṭum ding asi lai. Station pawngte ah a um. December 6 zaanlei 4pm ah bual kutka an on lai i 5pm ah puai an thok lai. Mah zaan hi puai tampi a um.

    Tial Thang vs Kim

    A hmun ah zoh a duhmi nih [mah hi hmet] law RM30 in ticket cawk khawh asi cang.

    US ram ah nupi le fa he khua a sami Tial Thang cu tu kum thokka ah a chuahkehnak Myanmar ram aiawh in ONE Championship ah a lut i Yangon ah Cambodia pa Rin Saroth a tei cang. Tutan hi avoi 2nak aa phomh si lai.

    Malaysia um Chinmi nih a hmun ah thazaang pek khawh cio i zuam hna usih.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.