Tial Thang cu i phomh dingin Singapore a phan cang

MMA ah Dragon Legs tiin an auhmi Lai pasal Tial Thang cu i phomh dingin atu hi Singapore ram a phan cang.

A sayapa Aung La Nsang nih a zulh i atu hi trainning an tuah cuahmah liopi a si.

Training an tuah lio cu Aung La nih live a thlah i “ONE Championship ah Tial Thang i phomh dingin tthuat kan cinh,” tiin a ttial.

Tial Thang nih Aung La live thlahmi cu aa share i “A hramthok tein na ka zumh i MMA puai zong ah na ka bawmh i ka nunnak na thlen.

“Zeizong vialte cungah kaa lawm tuk ka upa Aung La Nsang (Burmese Python). ONE Championship ah langh lai kaa ngaih tuk.

“Myanmar kan unau vialte nih nan kan dawt i tha nan kan pek caah kan i lawm tuk,” tiin a ttial ve.

Aung La nih, “Ka hawi Tial, ONE Championship ah i phomh dingin Singapore ah kan i timh cuahmah liopi a si. Ka ngaih tuk cang,” tiin Facebook ah a ttial.

Live an thlahmi video ahcun Tial Thang nih, “ONE Championship ah i phomh dingin ready ka si cang,” tiah a chim.

Atu tiang ahcun, ONE Championship nih Tial Thang aa phomhnak ding kong thawng a thanh rih lo.

ONE Championship nih thawng a thanh hlan ahcun zaanglek (fighter) nih phuan a ngah lo caah Tial Thang zong nih a phuang rih lo.

Cucaah, aho he dah an i phomh lai ti le a caan pawl cu theih a si rih lo. Nain, January 22, 29 le February 5 ah Singapore ah ONE Championship puai a um.

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...