Tial Thang a Hnakruh Kiakmi a Dam Cang Maw?

Tial Thang cu February 5 ah aa ṭhua ding si bang, a fans pawl nih theih kan duh bikmi cu “a hnakruh kiakmi kha a dam cang maw?” ti hi si men lai.

Tial Thang a hnakruh kiahmi a hngal lo kan um sual lai, mah kong hi ceih hmasa usih.

Tial Thang cu Malaysia ah South Korea pa he an i ṭhuat lio kha a hnakruh kiah caah ai ngol dengmang.

“Malaysia ah nai ṭhua lai an ka ti cangka in cinh (training tuah) dingin South Florida um Sanford MMA ah ka kal.

“Ka cinh zarh 1nak bakah ka hnakruh kiak. Apoi ning cu ka ti i a rannak in X-ray kai thla colh. Na hnakruh le ṭaangruh aa tonnak zawn ‘hnakruh no (cartilage)’ a kiak an ka ti.

Ka zawn hi a kiahnak si, tiin Tial Thang nih a chim lio

“Aung La nih ‘mah hlan zongah kum 1 chung pei na cinh cang cu, i leet hlah’ aa ka ti. OK, training tuah rih ko usih ka ti.

“Thongh le chuih le tlaih telh loin ka cinh sawhsawh. Ka tha zor lonak caah a huaha lo tete khi ka tuah sawhsawh. Malaysia kal ding zarh 3 hrawng aa duh ah ‘aa hi cu kai leet hau ko, a faak tuk’ ka ti.

“Aung La nih ‘nai leet cun ṭhuat zaan ah dam ngai law na ngaichih lai lo maw?’ aa ka ti. ‘Si tak ko, anih cu hi bantukin voi tampi a tong cangmi si caah a hngalh deuh lai’ ka ti.

“Malaysia cun kan ra. Round 2 kan i ṭhuat lio ah aa ka chuih i ka hnakruh a kiakmi cu a kiak ṭhan. A kiah thawng zong ka theih. Ka hnakruh kiakmi hi vorhlei kam si nain kehlei bakah a fah ka theih. Ka cawl kho huaha ti lo.

“[Round 2 dih dinh caan ah] ‘ka hngakruh fak tuk’ tiin Aung La ka chimh. ‘Tei na duh maw?’ aa ka ti i ‘duh’ ka ti. ‘A fah zongah ṭhua chih’ aa ka ti. Mah cun ka lungṭhawng tuk ṭhan.

“Puai dih i ka vun tei bak cu keimah caah siseh, ka chungkhar, ka team le ka ram ca zongah ka lawm tuk. Kaa lawmh tuk ahhin ka lunghno dih,” tiah Tial Thang nih a chim.

Mah tluk a hnakruh kiah le fah buin Tial Thang nih a tei taktak.

A Dam Cang Maw? February 5 aa ṭhuat tikah a dawn lai maw?

Tial Thang nih, “atu cu a dam dih cikcek cang. Zeihmanh hma ka ngei ti lo. Rawl zong ningcang tein ka ei i ṭhuat ka cinh peng.

“Kai redi tuk cang. Mah vialte chung ka cinhmi mipi piah hna lai kaa ngaih tuk,” ati.

Cucaah, February 5 aa ṭhuat tik cu phan awk um lo. A fans pawl hnangam tein um ko usih. Mah tikah Tial Thang nih Paul Lumihi a tei lai ti na zum maw? Na ruahning comment ve.

Tial Thang nih, “ka tei lai caah ka lungṭha lo,” ati. Mah kong cu mah hi hmet law rel khawh si.

Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...