16.3 C
Hakha
Sunday, August 1, 2021
- Advertisement -

Ṭial Tharmi

Thlichia nih France Ram a Den caah Mi Thong Tampi Mei Loin Um, Vanlawng Zuan Caan an Thawn

France ram cu a ningpi dengmang in nizaan ah Bella thlichia nih fak tukin a den caah minung thong tampi mei loin an um, vanlawng a zuang ding tampi zuan caan an thawn, vanlawng tampi hmun dangah an ṭumter hna. Thlichia, tilet le ruahpi tuk taktak an i ṭhuan.

France ram chaklei um Brittany le nitlaklei um Normandy ramṭhen ah mei a mit hmasa cem. “Nain, Zarhpini zaantlai hnu ahcun minung thong 18 (18,000) hrawng cu mei an ngah ṭhan,” tiah mei company Enedis nih a thanh.

Sinain, France ram nichuahlei le alaicer um inn thong 34 (34,000) hrawng cu atutiang mei loin an um rih ko. Thlichia zong a dai rih lo, an ram a cul thluahmah liopi asi rih.

Thlichia ruangah, Paris khuapi chaklei um France vanlawngbual nganbik Charles de Gaulle Airport cu vanlawng a zuang ding vialte minutes 50 tlai deuh ah zuan caan an thawn dih hna.

Nain airport rianṭuan pawl nih “atu cu punghman in kan zuanter ṭhan cang hna,” an ti.

A man walks with his dogs as waves and strong winds hit the coast of Le Becquet, northwestern France on Dec 27, 2020, as Storm Bella strikes the coast of Britanny and Normandy. (Photo by Sameer Al-DOUMY / AFP)
Brittany le Normandy ramṭhen thlichia nih a den lio ah France ram nitlakchaklei um Le Bequet khua thlichia le tilet lakah mipa nih a uico a hruai hna lio. December 27, 2020

Mah airport ah a ṭum ding vanlawng 3 cu Paris khuapi thlanglei um Paris Orly airport ah an ṭumter hna.

Aeroflot vanlawng cu Paris ah kal thai loin Amsterdam ah a ṭum. Luxemburg in Paris ah aa thawhmi vanlawng zong lam tanṭim in a kir ṭhan.

France bawlung team minthang Pau F.C. le Stade Francais F.C. zong Zarhpini zaanlei ah aa phomh ding an si nain Paris khuapi um Stade Francais cu thlichia ruangah Pau khua ah an zuang kho colh lo i bawlung chuih caan cu nazi 3 tlai deuh ah an thawn.

Zaanlei hrawng cun khua tampi ah thlichia le ruahpi a hung dai deuh, nain an ram thlanglei khua tampi ahcun thaizing tiang hawhra chah taktak a tla hoi lai, tiah Khuati Zohnak Zung nih a thanh.

England tilian

Bella thlichia cu England ram thlanglei tiang a va phan. Khua tampi ah tilian a tlung. Inn 1,300 leng an thial hna. A pinh tuk ahhin suimilaam 1 ah meng 103 a phan kho.

England pawngum Wales ram zongah inn thong 20 (20,000) hrawng mei a mit. Tlanglawng lam ah thingkung an tlu i tlanglawng zong an kal kho lo. — AFP

- Advertisement -

Ṭial Tharmi

Myanmar uknak firtu Min Aung Hlaing nih ‘thimnak kan tuah lai’ ati than

Myanmar mipi thimmi cozah uknak a chuttu ralkap bawizik Min Aung Hlaing nih thla 6 hnu tuni ah, "party dihlak telh in thimnak kan...

Australia Chinmi chungin palik officer kan ngeih hmasa bikmi Sang Bawi hmurka

Sang Bawi (hmanthlak) hi Australia ram ah Chinmi chungin palik officer a kan ṭuanpiak kho hmasa bikmi asi. Queensland state khualipi Brisbane ah Police...

Malaysia: Pu John Kham le CRC nih COVID-19 mizaw Chinmi rawl an chanh hna lai

Malaysia um Chinmi zohkhenhnak bu Chin Refugee Committee (CRC) le Pu John Kham nih CRC zung pawng sang 6: PuduImbiLoke YewMaluriJalan Sungai Besi leBukit Bintang...
- Advertisement -

CNF le CDF nih Kawl Ralkap 26 leng an thah hna

Chin National Front/Army (CNF/A) le a ṭengnge Chinland Defense Force (CDF) nih July 19 in 31 kar ah Kawl Ralkap 26 leng an thah...

Malaysia: KL le Selangor um Chinmi vialte appointment hau loin raikhamsi chunh khawh asi

Kuala Lumpur le Selangor um ramdangmi vialte, UNHCR card ngei he ngei lo he appointment sok hau loin August 9 in 22 tiang raikhamsi...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -