17.2 C
Hakha
Monday, July 26, 2021
- Advertisement -

Ṭial Tharmi

Thihdan Pekmi Win le Zaw cu Thailand Siangpahrang nih a Ngaihthiam Hna

British rammi 2 nan thah hna tiin Thailand cozah nih thihdan a pekmi Myanmar rammi 2 cu Thailand siangpahrang nih a ngaihthiam hna caah thah loin thih hlan lo thongthlak tu an si lai.

Thailand siangpahrang cu July 28 kha kum 68 a tlin ni, a chuahni si. Kum fatin a chuahni lawmhnak ah thongtla a ngaihthiam tawn hna.

A ngaihthiammi pawl min cazin cu nizaan ah Thailand cozah tadinca Royal Gazette nih a tar i Win Zaw Tun le Zaw Lin min zong aa tel ve.

Thailand ram ah aa hlawhfa mi Win Zaw Tun le Zaw Lin cu 2014 ah Thailand a rung tlawngmi British ngaknu Hannah Witheridge, kum 23 nan tlaihhrem i nan thah pinah a tlangvalpa David Miller, kum 24 zong nan thah tiin thihdan pekmi an si.

Thailand Thonguk Zung nih, “siangpahrang ngaihthiamnak in thongtla 40,000 kan thlah hna lai, adang 200,000 cu an thongdan ṭhumhpiak an si lai,” ati.

Thonguk Zung bawi Naras Savestanan zong nih, “Win Zaw Tun le Zaw Lin cu siangpahrang ngaihthiammi lakah an i tel ve ko,” tiah a fehter.

Myanmar rammi 2 cu 2015 ah Thailand biaceihzung nih thihdan a pek (thah dingin bia a khiahpiak) hna. Nawlnak Biaceihzung (Appeals Court) ah an nawl nain 2017 ah ngaihthiam lo dingin bia an khiah. Supreme Court nih 2019 ah ngaihthiam lo dingin bia a khiah ve. Cutin thah ni hngak in thongthlakmi an si.

Thapetu tampi nih cun “Thailand cozah nih lih hrokhrawl in lainawn a puhmi hna si. Hmasa ah kan thah ko hna tiin an i wankhanmi cu palek nih an velh tuk hna caah si” an ti i Thailand cozah cu an mawhchiat ngai.

An sihni Nakhon Chompuchat nih, “Thailand upadi ning ahcun, siangpahrang nih a ngaihthiam hna ahcun thihdan pekmi (thah ding) kha thih hlan lo thongthlak dingin an ṭhumhpiak hna lai,” tiah Reuters tadinca ah a chim.

“Mah hnu ah thongin ah felfai tein an um ahcun ‘an felfai’ tiin ngaihthiam chap khawh an site lai,” ati. — Bangkok Post le The New York Times

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -