Thet Mon Myint: Chin ka si caah Myanmar Idol ah ka miphun ka ttanh deuh hna

-

- Rak Cawngia -

“Atu lio Myanmar Idol ah aa zuammi pawl cu an thiam dih ko hna nain Chin ka si caah ka miphun cu ka ttanh deuh hna” tiah Myanmar actress Thet Mon Myint nih a chim.

“Hlasak hi keimah hrim ka huam. Atu tan Myanmar Idol cu Chinmi telhin an dihlak in an thiam taktak hna. An thatho seh tiin ka miphun cu thazaang ka pek deuh hna” tiah Thet Mon Myint nih a chim.

Thet Mon Myint cu lemcang a ttuan lawng siloin hlasak zong a zuam ngaimi a si caah hlasak ah an sawm pah lengmang. Ni kum i Singapore cozah nih a ram chung sinum rianttuanmi hna ca concert a tuah ahkhan Myanmar ram aiawh in Thet Mon Myint a rak kal ve.

Thet Mon Myint nih Chinmi ka si ruangah ka miphun cu ka ttanh deuh hna a timi cu Kawl a fan tampi nih an soisel taktak.

“Ka miphun, ka miphun a timi thinlung put cu fih a nung tuk” tiah pakhat nih a comment.

“Mihruk pei kan rak si hi” tiah pakhat nih a comment ve.

“Nang cu na miphun lawng kha thazaang pe ko hna. Kan nih tu nih cun nangman bantuk Chinnu pi kha thazaang kan in pek cuh” tiah pakhat nih a ti.

Nain Thet Mon Myint a daw taktaktu cheukhat nih cun “an thiam dih ko a ti ko cuta. An thachia sual lai tiin thazaang a pekmi hna a si. Aho hmanh zong a soisel hna lo. Media nih dengteo in bia an hal ruangah a lehmi hna khi si ko” an ti ve. _ PanPwint

Ṭial Tharmi

Kanpetlet ah sibawi le nurse pawl Mobile Tablet an phawt hna

Chin state, Kanpetlet khua sizung ah ngandamnak lei rianttuan pawl Mobile Tablet an pek hna. Mobile Tablet peknak cu...

Tuni Malaysia ah Covid-19 mizaw 5 hmuhchap a si

Tunu July 6 ah Malaysia ram ah Covid-19 zawtnak ngeimi 5 an hmuhchap hna. 3 cu ramdang in a rung tlungmi an...

India ram in tlun duhmi Chinmi 190 hrawng an um

India ram in Kawlram tlun a duhmi Chinmi 190 hrawng an um i atu tiang ah minung 7 lawng an tlung kho...

Thawngpang thatuk: Chin state ah Covid-19 mizaw an um ti lo

Chin state, Hakha sizung ah aa thlopmi kum 23, Covid-19 mizaw pa (Case 232) cu a pum ah voi 2 tiang zawtnak...
- Advertisement -