American actor Dwayne Johnson (The Rock) le singer Lauren Hashian cu August 18, 2019 ah tthitum puai an tuah.
“Lauren Hashian he caan saupi kan i duh hnu ah kan i um cang,” tiah The Rock nih Nikhatni ah thawng a thanh.
The Rock nih Hawaii state i rili kam ah Lauren Hasian he tthitum puai thilthuam he an kut an tlir lio hmanthlak cu Instagram ah a tar.
“We do. August 18th, 2019. Hawaii. Pōmaikaʻi (blessed),” tiin ca a ttial chih.
The Rock (kum 47) le Lauren (kum 34) nih thitum puai an tuah hlan ah fanu 2; Jasmine (kum 3) le Tiana (kum 1) an ngeih hna. The Rock cu a nupi tthing Dany Garcia he fanu Simone (kum 18) an ngeih.
“The Rock le Lauren cu 2006 ahkhan an rak i thei i 2007 ah an i duh,” tiah Dany Garcia nih a chim.
“Lauren cu ka nupi ka ti peng i mi tampi nih ‘Oh! nan i um cang maw?’ an ka ti tawn. ‘Um rih hlah! Duhsah henta’ ka ti ve hna,” tiah The Rock nih 2018 July thla ahkhan a rak chim bal.
Atu hi The Rock aa thlakmi “Fast & Furious Presents: Hobbs & Shaw” movie cu cinema zungpi ah an piah lio a si.
