16.3 C
Hakha
Thursday, June 17, 2021
- Advertisement -

Ṭial Tharmi

Thawngttha taktak: Hakha le Tedim in Covid-19 mizaw 3 an dam cang

Tuni ah Hakha sizung ah a ummi Covid-19 mizaw 1 le Tedim sizung ah a ummi Covid-19 mizaw 2 cu an dam cang caah sizung in an ttinter cang hna tiah kan theih. Thawngpang ttha taktak a si.

Hakha sizung pi ah aa thlopmi Covid-19 mizaw case no. 182 cu voi 6 tiang an test/check hnu ah avoi 1nk bik Negative a piah. Avoi 7nk an test tthan i Negative a piah tthan.

Cucaah, tuni June 29 chun sml 12 ah Hakha sizung in Thantlang lei ah ambulance in an kalpi. Thantlang zongah lengchuah rih loin innchung te ah a um rih lai.

Cun, Tedim zong ah Covid-19 mizaw case no. 200 le 201 cu voi 2 tiang an pum ah zawtnak rungrul an hmuh ti hna lo caah tuni hi sizung in an chuak ve lai, tiah Chin state Sipin Vuanci Pu Pau Lun Min Thang nih a chim.

Tedim in mizaw 2 a dammi

“Nizaan i testnak result ning ah Tedim sizung um mizaw 2 sinah zawtnak rungrul a um ti lo. Cu ruangah sizung in chuahter kan timh hna. Inn ah ni 14 chung lengchuak loin an um rih lai.

“Ni 14 hnu tiang ah zeihmanh a um lo ahcun kan thlah beh cang hna lai,” tiah Pu Pau Lun Min Thang nih a chim.

Atu lio ahcun Chin state chungah Covid-19 mizaw 1 lawng a tang cang. Amah zong cu a rauh hlan ah a dam lai tiah zumh a si.

“Tedim ah Covid-19 mizaw 2 an dam cang ahcun Hakha ah 1 lawng a tang lai. Negative voi 1 cu a piah cang. July 2 hrawng ah an test tthan lai. Amah a dam ahcun Chin state chungah Covid-19 mizaw an um ti lai lo,” tiah Pu Pau Lun Min Thang nih a chim.

Chin state chungah Covid-19 zawtnak a karh ti lo nain mipi lei nih daithlan lo a biapi tuk, tiah Tedim khua Covid-19 dohnak rian a ttuanmi Ko Moe Noe nih a chim.

“Tedim ah Covid-19 mizaw thar an hmuh ti lo caah rian a zaang deuh ngai cang. Mizaw thar an hmu ti lo nain daithlan awk a ttha rih lo. Ramdang in a thli tein a rak lutmi an um. Tedim ahcun dawr pawl zong voidang bantuk tein an on cang hna,” tiah a chimchap.

Atu hi Chin state ah ramchung, ramleng in a rak kir i quarantine centre pawl ah chiah liomi hi minung 270 leng an si. – Chin World, Taungzalat Time Media

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -