Thawngṭha: US President Biden nih 2021 ah refugee 62,500 a lak hna lai

- Advertisement -

US President Joe Biden nih, “2021 Budget Kum chungah US nih ralzaam 62,500 kan lak hna lai,” tiah May 3 ah bia a chah.

President hlun Donald Trump nih “2021 Budget Kum chungah ralzaam 15,000 lawng kan lak hna lai” tiin min a rak thut cang nain Biden nih a hnon i 62,500 lak dingin bia a chah hi si.

2021 Budget Kum (FY 2021) cu ni kum October thla in tu kum September thla tiang si lai.

Tu kum September thla dongh hlan ah ralzaam 62,500 lak ding cu:

  1. Africa in 22,000 lak ding
  2. East Asia in 6,000
  3. Europe and Central Asia =  4,000
  4. Latin America and the Caribbean =  5,000
  5. Near East and South Asia = 13,000 le
  6. Hmun dangdang = 12,500 an si lai.

Chinmi 50,000 hrawng kan umnak Malaysia cu East Asia ah aa telmi si. East Asia ahhin Malaysia, Thailand, Bangladesh, Indonesia, tbk ram tampi an um. 6,000 cu UNHCR nih mah ram pawl ahhin a herh zat in a ṭhen te hna lai.

India ah Chin ralzaam 3,000 hrawng an um ve. India cu South Asia ah a ummi si. South Asia le Near East (ralzaam 13,000 lak ding) ahcun India, Nepal, Sri Lanka le muslim ram; Iran, Iraq, Syria, Egyp, tbk pawl ram tampi an um.

Hmai kum (2022 Budget Kum) ahcun ralzaam 125,000 kan lak hna lai, tiah President Bident nih a chim.

2022 Budget Kum cu tu kum October thla in hmai kum September thla tiang asi lai.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...

Ukraine cu Poland nih ral tuknak vanlawng 28 bak FREE in a pek

Update: US nih a duh lo caah an leet. Poland nih dairek in Ukraine kuat a ngamh lo...

US: Ukraine nih a tei lai

US Ramdang Vuanci Pu Blinken (hmanthlak) nih, "Ukraine nih teinak a hmuh lai," tiah a chim."Russia nih Ukraine...

US le NATO nih Ukraine sinah ral tuknak vanlawng kuat an timh

US le NATO nih Ukraine sinah ral tuknak vanlawng kuat dingin khua an khan liopi asi.US Ramdang Vuanci...