Thawngṭha: Manipur nih Myanmar ralzaam bawmh rih dingin bia a khiah

- Advertisement -

India ram, Manipur state khualipi Imphal ah Citizens Committee Manipur (CCM) nih “Atu lio Myanmar boruak: Manipur nih bawmhnak kong” timi tlangtar in meeting a tuah i “Myanmar ralzaam pawl cu kan bawmh rih ko hna lai” tiah bia a khiah.

Manipur state Moreh khua cu Kalay, Tamu he aa rimi si caah Myanmar rammi, ahlei in Chinmi tampi Manipur ah an zaam.

Meeting a kaimi pawl nih atu lio Myanmar mipi tuarnak kongah an ngaihchiatnak kong an chim cio hnu ah Myanmar ramri um Manipur state khuate ah a hung zaammi pawl cu kan bawmh rih ko hna lai, tiin bia an khiah hi si.

Myanmar ralzaam pawl bawmhnak caah Manipur mipi sinah tangka bawmhnak kan halpiak hna lai, an ti.

Myanmar ralzaam pawl Manipur state, Moreh khua ah an phak lio

Manipur mipi le Myanmar mipi cu hlan lio tein aa dawmi le aa rak bawmmi kan sinak kong zong meeting a kaimi pawl nih an chim.

“Myanmar mipi harnak fak chinchin an ton caah kan ngaihchia tuk, cucaah Manipur ah a hung zaammi pawl cu bawmh hna dingin meeting a kaimi vialte kan lungtling dih. Bawmtu committee kan dirh i Professor Amar Yumnam nih a hruai lai,” tiah meeting dih hnu ah cathanh an chuah.

CCM Chairman Pu Radhabinod Koijam (Manipur Vuancichoh hlun)

An ram hremnak ruangah a zaammi Myanmar ralzaam pawl cu kan minung hawi zawruahnak te he bawmh hna dingin India cozah hruaitu Prime Minister zong kan chimh lai, tiah meeting ah an khiah fawn.

Cun, Myanmar ralzaam bawmhnak tangka donnak caah CCM Facebook page kan ser lai i Imphal Human Rights Alert bank account kan hman lai, ti zongin bia an khiah.

Myanmar ralzaam bawmhnak a hramthoknak caah CCM Chairman Pu Radhabinod Koijam (Manipur Vuancichoh hlun) nih Rs 50,000 (Kawlram ting 9) a hlut.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...