Thawngṭha: 2013 UN Card Chuhmi Pawl Interview an Tuah Thluahmah Hna

- Advertisement -

UNHCR Malaysia nih kum 2013 ah UN card a pek hna nain 2018 le 2019 ah a chuh ṭhanmi hna chungin nawlnak ca a ṭialmi pawl cu atu hi interview a tuah thluahmah hna.

Nazi 3 chung hna interview a tuah hna.

Interview an tuahmi hna hi 2013 UN card chuhmi paoh an si lo. Chuh dih cikcek hnu ah email in nawlnak ca a ṭialmi pawl lawng an si.

UN card/catlap chuh dih cikcek na si hnu ah email in nawlnak ca a ṭial ṭhanmi na si ve ahcun na case ṭha tein zoh law timhtuahnak ṭha tein ngeicia law a ṭha – nazi 3 chung bak bia an hal hna caah.

Cun, email in nawlnak ca na ṭial hnu ah phone number nai thlen ahcun atu na hman liomi phone number kha mah hi hmet law UN sinah pe colh.

UN nih card/catlap an chuh thai hnu ah email in nawlnak ca na ṭial ti lo ahcun atu a rannak in ṭial law kan in duhpiak.

Ṭial na thiam lo ahcun ralzaam bawmtu CRC, ACR, FRO, tbk sinah bawmh hal.

Malaysia ahhin 2013 UN card chuhmi Chinmi 15,000 hrawng kan um, tiah zumh asi. Mah thawngpang hi an hmuh cio nak hnga SHARE cio usih.

Website ngeitu pawl nawlpatnak: The Chin Express copyright upat piak dingin kan in nawl hna. Surbungnews le ChinWorldEvening telh in Lai website pawl nih kan news nan copy/paste lole kanmah ta i zoh in phun dang nawn in nan ṭial rih ahcun FB ah kan in delete piak hna lai pinah nan IA a thi lai.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...