Russia President Putin nih hriamnam torlecheng he ralkap ting 1 (100,000) leng Ukraine ramri ah a kuat hna caah Ukraine tuk in lak a timh tiah mi tampi thinphang in an um.
US cozah nih, “Russia nih ralkap thazaang in Ukaine a tuk khawh men caah Ukraine ram ah ummi US citizen le PR vialte a rannak in chuak dih uh,” tiin thawng a thanh.
“Russia nih ralkap thazaang in Ukraine a tuk khawh men caah le COVID-19 a karh tuk caah American (US citizen le PR) hohmanh Ukraine ram ah tlawng hlah uh,” tiah US Ramdang Vuanci Zung nih a thanh.
Russia nih cun, “Ukraine tuk ka tim lo… cu e kha e…,” ati len ko nain Ukraine ramri ah ralkap ting 1 leng bak tank le hriamnam torlecheng he a chiah hna caah Ukraine lawng si loin US le NATO ram vialte thin domh in an um dih.
Russia nihhin kum 2014 ahkhan tank le hriamnam ngan le ralkap torlecheng in Ukraine ram, Crimea state a tuk lak cang. Mah pinah, Ukraine rampumpi ningin tuk lak dingin bia a rak chim bal caah US le ramdang vialte an thinphan khunnak asi.
Nai hrawng cu vawlei pumpi huap media tumtlang vialte nih ni fatin Ukraine le Russia kong linsa taktak in an ceih thanh peng.
