16.4 C
Hakha
Sunday, July 25, 2021
- Advertisement -

Ṭial Tharmi

Thawngchia: Malaysia Chinmi cu Restaurant le Dawr Hngah Rianṭuan Kan Ngah Ti Lo

Malaysia um Chinmi telh in ramdangmi vialte caah thawngpang chia taktak asi.

Cozah nih ramdangmi paoh cu rian dang ṭuannak nawl a kan pe ti lo. Rian phun 3:

  1. Sak rian (construction),
  2. Cinthlak rian (plantation) le
  3. Dum/lo thlawh, le saṭhil zuatkhalhnak rian (agriculture) lawngah ṭuannak nawl a kan pek cang.

COVID-19 pulrai nih Malaysia sipuaizi a thlak tuk i rammi rian ngei lo an tam tuk caah cozah nih atu bantukin bia a khiah hi si.

Construction rian ah aa tel vemi inn sak

Ramdangmi pawl hi restaurant rian, dawr hngah, sehzung, wiring, airconditioning, tbk., pawl ah rianṭuannak nawl kan pek hna lo ahcun rian tampi a lawng lai i rian ngei lo kan rammi rian an ngei lai ti ruahchannak in a tuahmi si.

Mipi Rianpeknak Vuanci Changtu (Deputy Human Resource Minister) Pu Awang Solahudin nih, “rian ngeitu Malaysia boss pawl nih construction, agriculture le plantation lawngah ramdangmi rian nan pek hna lai tiin cozah nih bia kan khiah cang,” tiah a chim.

Agriculture rian ah aa tel vemi dum rian

“Rian dang paohpaoh cu Malaysia rammi lawng ṭuanter an si lai. Cutin kan ram ah ramdangmi rianṭuan zong kan zorter hna lai,” ati.

Atu lio cu zei rian paoh ramdangmi kan ṭuan kho dih. Chinmi hmanh rianṭuannak nawl kan ngei lo nain cozah theih loin kan ṭuan dih i tambik cu dawr hngah, restaurant/bar/pub, inn/company thianh rian, thil ṭhitnak, sehzung rian, wiring, airconditioning, tbk., pawl ah kan ṭuan hna.

Mah rian pawl hi an thurhnawmh caah le lahkhah a niam caah Malaysia rammi nih an ṭuan duh lo i ramdangmi lawngte nih kan ṭuannak asi. Nain mah rian pawl hi Singapore ram ahcun lahkhah a tam deuh pinah Malay tangka nakin Singapore tangka a san deuh caah Malaysia rammi tampi cu Singapore ah an va ṭuan tawn. Atu cu COVID-19 ruangah Singapore zongah an ṭuan kho ve ti lo.

Plantation rian ah aa tel vemi ungti cinnak lo rian

Ramdangmi paohpaoh construction, agriculture le plantationn rian lawng ṭuanter dingin cozah nih bia a khiahmi hi biatak tein a zulhdawi (enforce) ahcun Malaysia um Chinmi, ahlei in nu pawl hrimhrim rian ngei lo kan tam tuk ve te lai i kan harsa taktak lai. — Malay Mail, Malaysiakini

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -