Thawng Bawi: Thantlang AG Biakinn le Ram caah a Nunnak Petu Chin Paraltha 3 Hi Upatnak Sangbik Ka Pek Hna

- Advertisement -

Hmanthlak ah langhtermi minung 3 hi miphun le ram caah nizaan ah a nunnak liammi CDF chungtel an si.

Nizaan December 8 zaanlei ah ralhrang Myanmar ralkap nih Thantlang khua AG Biakinn le pawngkam inn pawl duah khangh an timh caah an va fuh hna i ralhrang nih an kah thah hna hi si.

Ram Lian Peng

Khua le ram dawt ruangah a nunnak liammi CDF 3 cu;

  1. Ram Lian Peng (Hriangkhan khuami)
  2. Bawi Za Uk (Thantlang Sianginn sang) le
  3. Van Tha Ceu (Thau khuami) an si.
Bawi Za Uk

An hawile 4 zong hliamhma an tuar. Hliam a tongmi 4 cu;

  1. CDF-Thantlang 1
  2. Thau khuami 1
  3. Hriangkhan khuami 1 le
  4. CNA ralkap 1 an si.

“AG Biakinn khangh an timhmi kham kah dingin kan va fuh hna ahhin ralhrang pawl an rak i redi tuk cang, a kan bawmh cia dih cang caah atu bantuk thil kan tonnak hi si,” tiah CDF-Thantlang chungtel pakhat nih a chim.

Van Tha Ceu

Awṭha Thawng Bawi @Cung Lian Thawng nih, “Ralhrang uico pawl nih Thantlang khua um AG Biakinn duah an timh lio ah kham aa thawhmi CDF paralṭha 3 an nunnak liam ee,” tiah a ngaihchiatnak a ṭial.

“Tuni cu Dothlennak Tuanbia ah philh khawh asi lo dingmi ni asi.

“Ram le miphun rian khinhmi nunnak pek tiangin a ṭuantu paralṭha hna hi upatnak sangbik ka pek hna.

“Paralṭha hna, lungdai tein i din ko kun ulaw,” ati.

Tuni Chinmi le vawleipi a hnintu thawngpang linsa pawl;

  1. Thantlang inn 23 an khangh ṭhan, inn 550 leng an khangh cang
  2. CDF-Kanpetlet nih Kawl Ralkap 7 an thah hna, 6 an hliam hna
  3. New Zealand cozah nih kuak zuar a phih cang lai — Laimi nih kuak le zuu i phiat usih
  4. UN Security Council nih ‘Suu Kyi le President thlah hna uh’ tiin cathanh chuah
  5. US ah a tlaumi Pi Thang Zami a thi cang lai tiin an zumh caah ‘Memorial Seervice’ an tuahpiak lai
  6. UN Cathanh: Myanmar Ralkap nih Tuksapur in Khuami 11 an Thahmi Hna Kong
  7. US, Australia, Canada le UK Cozah nih “China Olympics Puai kan Zawh Lai Lo” tiin Duhlonak Langhter
  8. Thawngṭha: Meta nih Myanmar ralkap company vialte Facebook hman a phih dih hna lai
  9. Malaysia um Australia Tanzung Thawngthanh
  10. Cambodia Prime Minister Kawlram a Tlawng Lai
Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...

Ukraine cu Poland nih ral tuknak vanlawng 28 bak FREE in a pek

Update: US nih a duh lo caah an leet. Poland nih dairek in Ukraine kuat a ngamh lo...

US: Ukraine nih a tei lai

US Ramdang Vuanci Pu Blinken (hmanthlak) nih, "Ukraine nih teinak a hmuh lai," tiah a chim."Russia nih Ukraine...