Hmanthlak ah langhtermi minung 3 hi miphun le ram caah nizaan ah a nunnak liammi CDF chungtel an si.
Nizaan December 8 zaanlei ah ralhrang Myanmar ralkap nih Thantlang khua AG Biakinn le pawngkam inn pawl duah khangh an timh caah an va fuh hna i ralhrang nih an kah thah hna hi si.
Khua le ram dawt ruangah a nunnak liammi CDF 3 cu;
- Ram Lian Peng (Hriangkhan khuami)
- Bawi Za Uk (Thantlang Sianginn sang) le
- Van Tha Ceu (Thau khuami) an si.
An hawile 4 zong hliamhma an tuar. Hliam a tongmi 4 cu;
- CDF-Thantlang 1
- Thau khuami 1
- Hriangkhan khuami 1 le
- CNA ralkap 1 an si.
“AG Biakinn khangh an timhmi kham kah dingin kan va fuh hna ahhin ralhrang pawl an rak i redi tuk cang, a kan bawmh cia dih cang caah atu bantuk thil kan tonnak hi si,” tiah CDF-Thantlang chungtel pakhat nih a chim.
Awṭha Thawng Bawi @Cung Lian Thawng nih, “Ralhrang uico pawl nih Thantlang khua um AG Biakinn duah an timh lio ah kham aa thawhmi CDF paralṭha 3 an nunnak liam ee,” tiah a ngaihchiatnak a ṭial.
“Tuni cu Dothlennak Tuanbia ah philh khawh asi lo dingmi ni asi.
“Ram le miphun rian khinhmi nunnak pek tiangin a ṭuantu paralṭha hna hi upatnak sangbik ka pek hna.
“Paralṭha hna, lungdai tein i din ko kun ulaw,” ati.
Tuni Chinmi le vawleipi a hnintu thawngpang linsa pawl;
- Thantlang inn 23 an khangh ṭhan, inn 550 leng an khangh cang
- CDF-Kanpetlet nih Kawl Ralkap 7 an thah hna, 6 an hliam hna
- New Zealand cozah nih kuak zuar a phih cang lai — Laimi nih kuak le zuu i phiat usih
- UN Security Council nih ‘Suu Kyi le President thlah hna uh’ tiin cathanh chuah
- US ah a tlaumi Pi Thang Zami a thi cang lai tiin an zumh caah ‘Memorial Seervice’ an tuahpiak lai
- UN Cathanh: Myanmar Ralkap nih Tuksapur in Khuami 11 an Thahmi Hna Kong
- US, Australia, Canada le UK Cozah nih “China Olympics Puai kan Zawh Lai Lo” tiin Duhlonak Langhter
- Thawngṭha: Meta nih Myanmar ralkap company vialte Facebook hman a phih dih hna lai
- Malaysia um Australia Tanzung Thawngthanh
- Cambodia Prime Minister Kawlram a Tlawng Lai
