16.8 C
Hakha
Wednesday, June 23, 2021
- Advertisement -

Ṭial Tharmi

Thawngṭha: President Trump nih $600 Cio Bawmh Dingin Min a Thut Cang, Hihi Theih a Herh

COVID-19 pulrai ruangah US rammi an har tuknak hnga lo $600 cio bawmh dingin Hluttaw nih a khiahmi cu President Donald Trump nih zarh 1 chung min thut duh loin a um hnu, tuni ah min a thut cang.

Trump nih “$600 cu a tlawm tuk, $2,000 cio bawmh ding an si …” ati i zarh 1 chung min a thu duh lo nain Republicans pawl nih an hnek tuk i a thut hi si.

President Trump cu atu hi Florida um a kohti kun Mar-a-Lago ah nuamh caan a hman lio si. Maka hmun cun min a thut.

Na Ngah Ve Lai Maw?

Trump nih min a thutmi upadi ahhin thahlawh tlawm US rammi (citizen) le PR (Green Card) paoh $600 cio bawmhnak pinah bawmhnak dang phun tampi aa tel. A dihlak in tangka $900 billion an hman lai.

Sifak bawmhnak – Single pawl

  • 2019 kumpi kum 1 chungah tangka lut (income) $75,000 tang lawng a hmumi single paoh cu $600 tling tein nan ngah lai.
  • Income $75,000 cung a hmumi paoh cu tlawm deuh lawng nan ngah lai. Nan income tam deuh paoh ah bawmhnak a tlawm deuh.
  • $87,000 cung a hmumi paoh cu fang 1 hmanh nan ngah lai lo. (A rum deuhmi pawl cu bawmh nan hau lo an ti ko hih)

Nuva (tax return a file ṭimi) pawl

  • Income $150,000 tang lawng a hmumi nuva zong $600 veve ($1,200) tling tein nan ngah lai.
  • $150,000 cung a hmumi nuva cu tlawm deuh nan ngah lai. Nan hmuhmi tam deuh paoh ah bawmhnak tlawm deuh lai.
  • Kum 16 tang nan fale zong $600 cio an ngah lai. Kum 16 tang fa 3 a ngeimi chungkhar cu $3,000 nan ngah lai tinak asi.
  • $174,000 cung a hmumi nuva paoh cu bawmhnak fang 1 hmanh nan ngah lai lo.

Kum 16 tang fa a cawmmi nuhmei/pahmei (head of a household in tax return a file mi) cu na income $112,500 tang asi ahcun $600 bawmhnak tling tein na hmu lai. Mah cung si cun a tlawm deuh thluahmah lai. $124,500 cung cu bawmhnak fang 1 hmanh ngah si lo.

Na income na hngalh lo ahcun, 2019 Tax Return na tuahnak form 1040 ahkhan catlang 8b kha zoh law Adjusted Gross Income (AGI) timi kha si lai.

Rian ngeilo bawmhnak – Rian ngei lo pawl cu zarh 1 $300 cio bawmh an si lai. ‘Unemployment Insurance/benefit’ tiin an auh.

Inn hlanman bawmhnak – Inn hlan man a pe kho huaha ti lo i inn chuah a tong dengmi pawl bawmhnak caah $25 billion an hman ve lai. Cun, inn hlan man pek lo ruangah inn chuah khawhnak upadi zong kha “thla 1 an sauh”.

Bawmhnak dang – Company hme (small business) pawl nih an rianṭuantu pawl lahkhah an pek peng khawh hna nakhnga cozah nih tangka cawihnak program a tuah i PPP (Paycheck Protection Program) tiin a auh. Mah caah cun $284 billion an hman lai.

Fimcawnnak caah $82 billion an hman lai. Child care, clean energy le fossil fuels, kakuaisi phawtzamhnak le a dangdang pawl caah $10 billion an hman lai.

Sianginn kainak leiba (student loan) cu ngaihthiam asi lo. Nain, President Trump nih 2021 January 31 tiang cu ‘federal student loan’ cham hau rih lo dingin nawl a chuah caah aṭu um lai lo, cawh um lai lo.

Sinain, Private Student Loan, FFELP le Perkins loans a cawimi pawl cu nan cham ṭhiam a hau. ‘Federal student loan’ lawng cham a hau rih lomi si.

Hnu ah thawngpang thar um cun, kan chap te lai. Rak zoh than te law.

Charhchan: Forbes, CNet, Fox News

- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -