Lockdown (MCO) tuahmi Malaysia Chinmi tambik kan umnak Kuala Lumpur, Selangor, Penang le Johor cu March 5 thokin MCO si ti loin CMCO ah ṭhumhdorh an si cang lai.

“March 5 thok cun MCO si ti loin CMCO ah ṭhumh/dorh an si cang lai,” tiah Runvennak Vuanci Pu Ismail Sabri Yaakob (hmanthlak) nih a thanh.

“CMCO cu ni 14 chung, March 5 in 18 tiang asi lai.

“Kedah, Kelantan, Negri Sembilan, Sarawak le Perak state hna cu hmasa ningin CMCO an si rih ko lai [mah state pawl hi cu hmasa zongah MCO si loin CMCO asi ciami an si].

“Melaka, Pahang, Terengganu, Sabah, Putrajaya, Labuan le Perlis state pawl cu dorh chin (RMCO) an si cang lai.

“Sabah state ti dah lo, state dang paoh cu nan state chung peng dang (inter-district) tlawn khawh asi cang lai.

“Sinain, state dang (inter-state) tlawn cu kan onh rih lo,” ati.