Thawngṭha: Malaysia Lockdown (MCO) Sauh Kan Duh Ti Lo

Malaysia Ngandamnak Vuanci Zung nih, “lockdown (MCO) sauh kan duh ti lo, kan ram sipuaizi a tla tuk lai,” tiah a thanh.

Ngandamnak Vuanci Zung i ngandamnak director-general Dr. Noor (hmanthlak) nih, “Ni kum 2020 ah lockdown (MCO) kan tuah lio kha ni fatin cozah tangka RM2.4 billion peng kan sung. Kan ram sipuaizi a hrawh tuk,” tiah a chim.

“MCO kan tuah thawngin zawtnak a zor tuk ko, nain luan lakin kan tuah sual maw?

“Tutan ah avoi 2nak MCO kan tuahmi hi zarh 4 tiang cu tuah kan i tim ko. Nain sauh chap kan duh lo, aruang cu kan nunnak le khuasaknak hi ruahṭi a herh.

“COVID-19 zulhphung hi hopaoh nih zul cio ulaw MCO tuah a hau hnga lo. Nain a zul lomi nan tam tuk. Mah 6;

  1. Atu le tu chapiat le ti in kut ṭawl lengmang
  2. Minung tamnak ah kal lo
  3. Naih tukin bia i ruah lo
  4. Tet tukin um lo
  5. Mask i hruk le
  6. Ralring tein um hi zulh khawh cio i zuam uh.

“MCO dih hnu ah thla 3 chung CMCO kan tuah lai i May thla ahcun ni 1 ah mizaw 99 tang lawng an si te kho ko.

“Ni kum chung vialte CMCO kan tuahmi kha pakpalawng asi lo, tuah hlah usih law atu hi kan ram ah minung ting sawmli (4 million) leng an zaw cang lai,” ati.

Atu lio hi, Sarawak state ti dah lo cu Malaysia rampumpi February 4 tiang full lockdown (MCO) asi.

February 4 hnu cun MCO tuah kan duh ti lo a timi si.

MCO ruangah Malaysia Chinmi tampi rian kan ṭuan kho lo i inn le ti/mei man le rawl einak caah tangka kan harsa tuk hna. February 4 hnu in MCO an tuah ti lo ahcun kan i ning deuh cang lai. CMCO cu rianṭuan a ngah caah harnak a kan pe lai lo.

Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...