Thantlang Ralkap Lubik A Kebul Lakin Bomb nih Puah

- Advertisement -

Thantlang khua inn vialte a duahtu Myanmar ralkap bawi Buhmuci Changtu Myo Zin Htun cu amah nih a hmenhmi bomb aa lamh i a kebul lakin a puah. Mingaladon Ralkap Sizung ah an thlop lio asi.

Ralkap in an dinhter lai i anmah ralkap cozah tu an ṭuanter lai. Myo Zin Htun cu Thantlang um ralhrang Myanmar ralkap LIB 269 lubik asi – Thantlang um ralkap lubik asi.

Nizaan February 14 ahkhan a rianṭuan hawi Buhmuci Changtu Ye Lin Aung le hawi nih tangka ting 10 dengmang an hung bawmh. A kebul mi Myo Zin Htun cu a ngandam ko, tiah theih asi.

A kebul lakin bomb nih puahmi Thantlang ralkap lubik Myo Zin Htun a hawile nih sizung ah tangka an hung bawmh lio

February 13 ahkhan CDF an kalnak ding lam ah ah bomb a hmenh i amah lila nih aa lamh sual hi si.

Bomb aa lamh hnu ah a hruaimi ralhrang pawl nih Thantlang inn an duah hna i nizaan tiang kha inn an kang thluahmah ko. Ralhrang nih voi 25nk Thantlang inn an duah si cang.

Thantlang um ralhrang Myanmar ralkap pawl cu khuami nih an zaamtakmi inn an baoh hna i a chung ummi vialte an fir hnu ah an duah lengmang hna.

Atutiang ahhin Thantlang khua acheu leng, inn 1,000 fai an duah cang.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...

Ukraine cu Poland nih ral tuknak vanlawng 28 bak FREE in a pek

Update: US nih a duh lo caah an leet. Poland nih dairek in Ukraine kuat a ngamh lo...

US: Ukraine nih a tei lai

US Ramdang Vuanci Pu Blinken (hmanthlak) nih, "Ukraine nih teinak a hmuh lai," tiah a chim."Russia nih Ukraine...

US le NATO nih Ukraine sinah ral tuknak vanlawng kuat an timh

US le NATO nih Ukraine sinah ral tuknak vanlawng kuat dingin khua an khan liopi asi.US Ramdang Vuanci...