Thantlang peng CNLD zung onnak le mipi he tonnak an tuah lai

- Advertisement -

Thantlang peng CNLD (Chin National League for Democracy = Chin Miphun Dimokharesi Bu) zung onnak cu a ra laimi August 22 ah Thantlang khua ah an tuah lai.

Thantlang peng CNLD Chairman Pu Lal Maung Cung (MP hlun) nih, “kan pengtlang zung onnak cu Centre hruaitu CEC upa; Pu Zo Zam, Pu No Than Kap, Pu Ngai Sak le Salai Ceu Bik Thawng telh in adang upa hna nih 9am ah a kan tuahpiak lai,” tiah a chim.

“10am in mipi he ram le miphun kong biaruahnak kan tuah lai caah a ra kho paoh ra cio dingin kan in sawm hna,” ati.

Chin party 3; CNDP, CPP le CLD cu 2015 Thimnak ah MP pakhat hmanh an ngah lo hnu ah, anmah ṭanhtu mipi duhnak bangin “Chin Miphun Dimokharesi Bu” timi party khat ah an i fonh.

CNLD cu Rampi Thimnak Zung (UEC) nih July 11 ah hmatpungṭin number 116 in a cohlan cang.

Yangon ah hrambunhmi party cu atu hi Chin state ah pengtlang zung onnak an tuah cuahmah. Thlanglei Chin ram Kanpetlet, Mindat, tbk., ahcun pengtlang zung onnak an tuah cang. Matupi peng CNLD zung onnak cu July 31 ah an tuah i mipi 200 leng nih an telpi hna.

Pu Lal Maung Cung: Meeting Sawmnak

Thantlang peng Chin miphun hawidawt vialte hna le Chin Miphun party chungtel vialte hna, Thantlang peng Chin Miphun party zung nih nan kut kan nin tlaih hna, Pathian nih nan herh ning cio in Thluachuah inpe cio ko hna seh.

Pathian le Chin Mizapi thawng in Chin Party pathum fonh mi Chin Miphun Party (CNLD) cu cozah nih phungning tein hmatpungtin number (116) pek in cohlan a si cang. Cu caah Thantlang peng Chin National League for Democracy (CNLD) zung cu Centre hruaitu CEC upa hna Pu Zo Zam, Pu No Than Kap, Pu Ngai Sak, Salai P P, Salai Sing Thun, Salai Ceu Bik Thawng, Pu Awm Zaw, Pu Chit Maung, Mai Sung Zi Mang, John Khaw Lian Thawng, Salai David hna nih (22.8.2019) nilini zing (9:00) am ah on nak an kan tuah piak lai, cun nazi (10:00) am in mizapi he ton biaruah nak tuah colh a si lai.

CNLD zung on nak le meeting tuah nak ah Thantlang khuachung le khuate a hong kho poah rak kan telpi u law bia rak ngai cio uh tiah miphun min in toidor nak le upat nak he kan nin sawm hna. (TA/DA pek a um lai lo, lakphak ti ,changreu le zanriah dum ti nak a um lai.) 

Lal Maung Cung
Chairman
CNLD, Thantlang peng

CNLD Chairman Pu Zo Zam: 2020 Thimnak ah Chin state ah teinak kan hmuh lai – ka hmet law relchap

Ṭial Tharmi

Malaysia Covid-19 mizaw thar 95, a thimi 1

Tuni September 18 ah Malaysia ram ah Covid-19 mizaw 95 an hmuhchap hna i zawtnak ngei hmuhmi dihlak 10,147 an si cang.

Pastor Te Soiselnak Sawhsawh a Lo Nain | Salai Bawi Lian Mang

BIA KAA-KHAT | By Salai Bawi Lian Mang (Note: Mah ca hi 2005 May thla ah Lai Forum ah...

Nazareth Khua ah Minung 2 Meithal Kah in an Thi

Judah (Israel) ram Nazareth khua ah zahan zaan ah meithal kahnak a chuak i pa pahnih an thi, tiah Israel media pawl...

Australia Citizen Soknak Thawngpang Thar

Tu kum November thla tanṭim in cun rammi sinak test (phitnak) ah Australia ram sunsakmi nunphung kong telh a si cang lai. 
- Advertisement -