Tuni ah Thantlang mino pawl nih Hakha le Falam inn kaang caah bawmh an halpiak hna i Kyats 3,386,500 an hmuh.

Mah kongah, Thantlang Sianghleiruun Chungkhar nih ,”Tuni Hakha le Falam innkaangh tuar mi chungkhar caah tlawmsuknak ah kan hmuh mi hi ks. 3,386,500 a si.

Zaanghleicawi in a rak chuak mi TSC le TYA chungtel hna cung ah kan i lawm tuk hringhran. Pechan tu chungkhar vialte Pathian nih thluachuah in pe chin ko hna seh!” tiin a ttial.

January 11 ah Falam khua ah inn 6 a kaang i minung 2 nunnak liam lak in a kangh chih hna.

Cun, January 9 ahkhan Hakha ah inn 3 a kaang i minung 1 nunnak a liam.

Falam inn kaang caah Chin Community of USA nih Gofundme in bawmhnak a kawlpiak hna i nihin tiangah a lutmi $14,873 a si cang.