Thantlang mipi a zaammi an tam ngai – Kan Zaam Viar Lai Maw?

- Advertisement -

2021 September 7 ah NUG nih D-Day an thanh. Cu le cangka chungkhar tampi nih Thantlang khua an chuah tak. Mizoram hna ah ai chekmi an tam ngai ngai. Sang cheukhat cu king duam in a um. Ka hawi le tampi nih nan zaam ve lai maw tiah an ka hal. Zaam ding le um dingah lungrethei mi kan tam ngai. Ahohmanh kan si ah mawh i phurh ding a si hnga lo.

Khua ka ruah mi cu ral tei kan duh ahcun kan zaam lo ah a ttha. Kan khua cio ah um dih a hau. Mah le sining le ti khawh tawk  in kan doh cio a hau. 

Kan zaam viar ah ramtang kan nau le hodah rawl pe hna lai? Khoika dah eidin an lak lai? Aho nih dah rallokap cawlcangh ning thawng a thanh hna lai? 

Tutan dothlennak hi pumpululh team he ka tahchunh tawn. Pumpululh chuih nak ah hmai kal an tthat tluk te in hnu kham an tthat a hau. Hmaikal cu CDF. A lai kal ah CDM. Hnukham hi Mizapi kan si hnga. Hmai ah a kal mi kan nau le hnu lei in fektthup kan dirkamh hna lo ahcun goal an sut kho lai lo. Ral kan tei kho lai lo. Hnu Lai Hmai i rual tak tak a herh tuk. 

Kan pupa chan Pu Lal Luai te hna cu ralhmai ah Thantlang khua an rak zaam tak lo. An neih mi hriamnam hmang in an rak doh hna. Kan pu le keneh zulh cu kan hau. Ral teinak a si lai. 

Kan dihlak te ann ruangkhat le lungrual te in um ti caan le hmai nawr ti caan a si. Khoika zaam hmanh hi himnak an si lo. Pathian tu cungah cawi usih!

Ref: Thantlang Revolutionary Campaigner

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...

Ukraine cu Poland nih ral tuknak vanlawng 28 bak FREE in a pek

Update: US nih a duh lo caah an leet. Poland nih dairek in Ukraine kuat a ngamh lo...

US: Ukraine nih a tei lai

US Ramdang Vuanci Pu Blinken (hmanthlak) nih, "Ukraine nih teinak a hmuh lai," tiah a chim."Russia nih Ukraine...