14.7 C
Hakha
Wednesday, October 20, 2021
- Advertisement -

Ṭial Tharmi

Thantlang le Hakha kar ah pa 3 nih tangka ting 17 an chuh

January 16 ah Hakha le Thantlang lam kar ah pa 3 nih U Aung Aung damiah an tteih i tangka Kyats ting 17 an chuh tiah kan theih.

U Aung Aung, kum 32 cu Hakha in Thantlang lei ah kunya thilri zuarmi leiba cawh ah a kal.

Zaanlei sml 2:45pm hrawng ah Thantlang in Hakha lei ah motorcycle in a kir lio ah min hngalh lomi pa 3 nih lam an kham.

Thantlang khua in meng 9 hrawng a hlatnak a phak ah lam an kham caah a motorcycle cu lamkam ah a dirter.

U Aung Aung cu pa pa khat nih a hngawng in a reh. Pakhat nih a hnulei in nam in a hmuah. Cun, a dang pakhat nih anmah citmi motorcyle in a zulh hna.

Motor lam orhlei ah a ummi lo kalnak lam lei ah an kalpi i furlong 2 hrawng an phak ah U Aung Aung cu an tthut ter.

A kut pahnih cu plastic tap aihre rong in an ttem i a kaa zong tap in an phih/huh hnu ah a tangka Kyats ting 17 an chuh.

Damaih tteihtu pa 3 cu Thantlang palek nih tlaih dingin an kawl hna lio a si.

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -