Thantlang inn 96 an khangh than, inn 350 hrawng an khangh cang

Date:

Share post:

Zahan, November 27 zaan ah uknak firtu Kawl Ralkap pawl nih Thantlang khua ah inn 96 an duah khangh ṭhan, tiah kan theih.

Zaan 7:30pm hrawng ah inn duah hram an thok. Tutan an khanghmi inn 96 chung ahhin Church on The Rock biakinn zong aa tel.

Zunghmun Sang ah inn 39 an khangh. Saihpiozi Sang ah inn 34 an khangh. Lungtial Sang ah inn 14 an khangh.

Min Aung Hlaing le a ralkap pawl nih February 1 ah uknak an fir thokin atutiang ah Thantlang khua inn 350 hrawng an duah hrawh cikcek cang. Mah chungah biakinn 4;

  1. Church on The Rock
  2. Thantlang Centenary Baptist Church
  3. Roman Catholic Church le
  4. Presbyterian Church hna an i tel.

Zahan zaan ah Thantlang khua an duah hi avoi 9nak an duah asi cang i inn 349 an khangh hrawh cang;

  • Avoi 1nak September 9 ah inn = 1
  • Avoi 2nak September 18 ah inn = 19 
  • Avoi 3nak October 29 ah inn = 164
  • Avoi 4nak November 6 ah inn = 8 
  • Avoi 5nak November 9 ah inn = 2 
  • Avoi 6nak November 10 ah inn = 7 
  • Avoi 7nak November 11 ah inn = 3
  • Avoi 8nak November 24 ah inn= 49 le
  • Avoi 9nak November 27 ah inn =96 tiin dihlak inn 349 an khangh cang.

Tutan an khanghmi inn 96 ngeitu min cazin cu atanglei ah zoh khawh an si.

Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

US Senator Young: Myanmar ralkap hi a tuhmi theipar zunter caan acu cang

US um Chin miphun a kan bawm zungzaltu US Hluttaw Sang MP/Senator Todd Young nih, "Phungninglo Myanmar ralkap...

US Chin company Yoshi nih Chinram dothlennak caah $50,000 a hlut

US ram i Chin company nganbik a simi Yo-Health (Yoshi) nih Chinram dothlennak caah $50,000 (Kawlram ting thong...

Jenevy Sui: Nan thatho seh tiah Dr. Ro Ding bia kaan hrawmh hna

Awṭha minthang Jenevy Sui nih, "Mah ca a reltu paoh nan thatho seh tiin Dr. Ro Ding bia...

Falam pengah Myanmar ralkap 25 an thah chap hna

Falam pengah ralhrang Myanmar ralkap 25 kan thah hna, tiah CNDF nih a chim. January 16 ah 17...