Uknak firtu Myanmar ralkap nih nizaan December 8 ah Thantlang khua inn 23 an khangh ṭhan, an khanghmi dihlak inn 553 asi cang.

Nizaan ah inn 23 an khanghmi cu Zunghmun Sang ah inn 18 le Biakinn Sang ah inn 5 an si. Inn ngeitu hna min cazin cu atang hmanthlak ah zoh khawh asi.

Inn 550 leng an khangh cang

Myanmar ralkap nih September 9 thokin atutiang ah voi 12 bak Thantlang inn an duah cang i inn 553 an khangh hrawh cang.

1. September 9 ah inn 1
2. September 18 = inn 19 
3. October 29 = inn 164
4. November 6 = inn 8 
5. November 9 = inn 2 
6. November 10 = inn 7 
7. November 11 = inn 3
8. November 24 = inn 49
9. November 25 – 29 = inn 220
10. December 4 = inn 19
11. December 5 = inn 38 le
12. December 8 = inn 23 tiah dihlak inn 553 an khangh hrawh cang.

Atanglei ah Thantlang inn an duah khangh hrawhmi hmanthlak pawl zoh ṭhan khawh asi.