Nizaan December 3 ah Thantlang khua ah thil lak aa thawhmi kum 24 nu cu uknak firtu Kawl Ralkap nih an kah.
A hma fak tuk i a nunnak caah thinphang dirhmun asi caah thlop dingin a rannak in India ramri lei ah an kalpi.
November 13 zong ahkhan zingka 11:30am ah Thantlang an inn ah thil lak dingin a thli tein a kalmi kum 20 nu cu Kawl Ralkap nih an kah i hliam a tuar ve. Anih cu a nunnak caah thinphang asi lo. CDF nih an chanh.
Thantlang khua chungah CDF le Kawl Ralkap i kahnak a fah caah khuami vialte cu nunnak kawl in September thla ah an zaam dih cang.
Thantlang khuami 10,000 hrawng cu India ramri Thantlang peng khuate pawl le Mizoram state ah an zaam dih hna.
September 9 thokin Kawl Ralkap nih Thantlang khua inn pawl an duah khangh lengmang hna i atutiang ah inn 500 deng an khangh hrawh cang.
October 29 ni khat te ah inn 164 an khangh. November 25 in 29 kar ah inn 220 an khangh:
- September 9 ah inn = 1
- September 18 ah inn = 19
- October 29 ah inn = 164
- November 6 ah inn = 8
- November 9 ah inn = 2
- November 10 ah inn = 7
- November 11 ah inn = 3
- November 24 ah inn = 49
- November 25 – 29 ah inn = 220
