29/6/2021 nitiang ah Thangtlang ah Covid-19 zawtnak kan check mi hna minung (153) an si. Positive minung (47) an si, minung (1) nih a kan thihtak.
Mah kan mizaw pawl hi anmah le an inn cio ah lawi ter in kan Doctor le Sayamah te nih alang in zohkhenhnak (Treatment) pek an si.
Hi, i zoh khenh ningdan hi a zohkhenh tu hna caah a him lo ngai, innchungkhar ca zongah a him lo (Risk) a tam ngai. Mah caah cun, TC-19ERC nih a ruahthan tik a sikho lo tiruang ah a rannak Mini Emergency Hospital (MEH) hi a dirhseh law tha lai tiah ruah a si.
Mini Emergency Hospital tuahnak hmun cu Thantlang Tipil Khrihfabu nih ngeih mi Hall tang ah timhtuah a si.
July Thla chungin thoktuan khawh kan i tim. Hi Mini Emergency Hospital tuahnak dingah hmunhma tlamtling tein kan ngei.
Ihkhun kan ngei. Mizaw zohtu Doctor le Nurse riantuan tu kan herh. Ihkhun (10) in kan thok lai. Zawtnak a zualdeuhmi, Oxygen pek hau mi deuh kan chiah hna lai.
Cucaah, a tlawmbik Oxygen Cylinder (40L) Dur (30) hi a rannak in kan herh.
Mini Emergency Hospital ah Miphun dawtnak in riantuan a kan bawm tu hna lawmman pekding zong kan herh. Electric mei in Oxygen pek nak Concentrator (10L) 10 kan herh.
Nawlnak: Hi mizaw zoh le zawtnak checknak tuah hi ttih nung (Risk) a umtuk mi Raldohnak hmun a si caah mizapi nih an ngamh lo mi rian a si. Zapi nih tuan thiammi rian zong a si hoi lo.
Cucaah cun, Nanchung le Sibawi, Sayamah a ngeimi hna, miphun dawtnak le zawnruahnak he nan kan dirpinak lai kan in nawl hna. “A thloh tu thloh lo in a fial in kan fial piak hna uh ” tizong kan in nawl fawn hna.
Thawngthanhtu: TC-19ERC, Thaltlang
