Thantlang ah a nupi a thattu Pu Si Bik a hngawng aa at i sizung phan

Nai i Thantlang ah a nupi thattu Pu Si Bik cu thawl a kuai mi in a hngawng aa at i sii- inn ah an kalpi, thinphang cu a si lo, tiah kan theih. 

”Pu Si Bik cu pawng a kalnak (zun – inn) ah ti chiahnak ah an hman mi tithawl a kuai mi in a hngawng cu aa at,” tiah January 25 ah Thantlang Palek Sakhanhmu U Kyaw Nyan Oo nih The Hakha Times ah a chim.

Hi kong he pehtlai in a dam lai maw tiah kan hal tik ah, “A tha ko. A dam ko lai, a vun lawng a hlanh, ” tiah Dr. LyLy nih The Hakha Times ah a chim. 

Zeiruang ah dah a hngawng hi aa at ti cu zun inn a kal lio a si ca ah fiangfai in hohmanh nih an thei lo.

Nai ah a nupi namtong in a thah

Thantlang um Thangzang khuami Pu Si Bik nih an nu Pi Biak Hnem cu January 21 zanlei 4:30 hrawng ah namtong in a tuk i a thi tiah thawng kan theih.

“Namtong in a hngawng ah a tuk i sii-inn zong ah kalpi manh lo in an inn chung ah a dihcolh. Zei ruang ah dah a si ti zong theih a si rih lo,” tiah innpa upa pakhat nih The Hakha Times ah a chim.

Pu Si Bik cu palek nih a phung ning in an kalpicolh. Cun Pi Biak Hnem ruak cu a phung ning in a hma check ding in sii-inn ah an kalpicolh ve. Cu hnu ah inn ah a ruak suan a si te lai.

Pu Si Bik kong he pehtlai in innpa nih a konglam an theih tawk an chimnak ah “amah hi Pathian dawtnak a thei i Pathian a duhtuk mi a si. Pathian bia kha i umpi kho lo in khuakip ah Evangelist bantuk in thawngtha a chim mi a si. Asinain nai Christmas hrawng hnu khan a lung a tlaupah bantuk in a um,” tiah an chim.

Pi Biak Hnem hi a chuahkehnak cu Thantlang peng Hmunlipi khua a si. Pu Si Bik he hin fa pasarih an ngei i Thantlang hlan lio Ruakhua sang rak ti mi Palek sakhan thlang ah khua an sa.

Pi Biak Hnem ruak cu thaizing January 22 chun ah thlaan a tlai tiah khuami sin in thawng kan theih.

Credit: The Hakha Times

Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...