Benjamin Sum le a fan pawl tonnak cu tuan ahkhan Benjamin a umnak Kalaymyo ah tuah an timh nain an let i thaizing hi Yangon khuapi tu ah zaanlei sml 6 in zaan sml 9 tiang an tuah lai tiah kan theih.
“Benjamin caah Kalaymyo tlunnak vanlawng ticket cawk a si cang. Fans Meeting tuahnak caah a herhmi vialte zong timhlamh dih a si cang nain atu hi Benjamin cu a hramfak i khuacaan aa thlen lio si ruangah a zual sual lai ti ka phang. Cun, zaan khat lawng riah caan a um tik ah a rethei tuk lai ti kan phang.”
“Culawng siloin, a nu zong atu hi a dam pah lo caah Yangon ah a zulh khawh ti lai/lo a fian lo caah hlasak zuamnak puai a dih hnu lawngah Kalaymyo tlung dingin khuakhan a si” tiah Van Thawng Thang nih thawng a thanh.
“Thil aa thlengmi kong ah Kalaymyo khuami nih na kan theihthiamnak lai kan in nawl hna. Yangon ah tuah dingmi Fans Meeting programme cu a dikthlir in kan rak thanh tthan te lai” tiah a ttial fawn.
