15.5 C
Hakha
Saturday, June 19, 2021
- Advertisement -

Ṭial Tharmi

Thailand um Kawlrammi pawl bus in thlahnak an si ti lai lo

Thailand um Kawlrammi pawl cu Myanmar ram tlun an duh tikah Myanmar tanzung nih tlunnak bus a tawlrelpiak hna.

Nain, June thla dih in cun bus mithlahnak cu ngol a si cang lai, tiah Thailand um Myanmar tanzung nih thawng a thanh.

Thailand cozah nih zaan lengchuak hlah timi le district leng chuah lo ding tiin nawl a chuahmi cu June 15 thok in a let tthan cang.

Cun, bus in Myanmar ram tlung dingin min cazin pemi an tlawm chin ca ah le Thailand cozah lei nih zulhphung an tuahmi a um ruangah atu bantuk in bus in mi thlahnak kan ngol hi a si, tiah Myanmar tanzung nih cathanh a chuah.

Nain, Thailand nih a ramri cu a khar rih caah ramri tan in Myanmar ram tlun a duhmi nih cun Thailand Ramdang Vuanci Zung nawlonhnak an herh, tiah Myanmar tanzung nih a ti.

Curuangah, Maesot-Myawaddy, Tachileik-Maesai le Kawtuang-Ranong gate in tlun a duhmi Kawlrammi pawl nih Thailand Ramdang Vuanci Zung ah ramri tan khawhnak ca ah cutin ni 3 in cazin pek a herh. Cucaah, tanzung min pek khawh a si.

Myanmar tanzung tawlrel piakmi bus in Thailand um Kawlrammi 5,656 kuat an si.

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -