20 C
Hakha
Monday, July 26, 2021
- Advertisement -

Ṭial Tharmi

Thailand um Kawlram Hlawhhlangnu Pawl Harnak Fak Tuk an Tong

Thailand ram, Chiang Mai pengah hlawhhlang a ṭuan Kawlrammi Pi Bua cu thla 1 ah Thailand tangka 40,000 baht (Kawlram ting 17) hrawng a hmu tawn.

Nain, Covid-19 pulrai nih Thailand ram a den hnu cun customer a ngei ti lo i ei awk kongah lungrethei vansang in a um.

Pi Bua, kum 32 cu nuhmei asi. A fanu te sianginn kainak le inn man peknak caah leiba 15,000 baht (Kawlram ting 6) leng a ngei cang.

Hlawhhlangnu pawl a bawmtu bu Empower Foundation bawmhnak thawngin atutiang an nufa tein an nung kho. Cozah bawmhnak cu Thailand hmatpungṭin a ngeih lo caah a la kho lo.

Pi Bua nih, “Empower Foundation nih ka bawm hna hlah sehlaw, keimah tein kaa that cang,” tiah a chim. “Ka chungkhar nih an theihnak hnga lo ka min taktak langhter hlah uh” ati caah Pi Bua tiin min deuh kan bunh.

Bars, pubs le karaoke pawl cu thla 4 chung an khar hnu Nikhatni ah an on ṭhan cang hna.

Nain, kan customer tam deuh cu ramdangmi an si. Thailand cozah nih ramri a khar i ramdangmi luh khawh asi lo caah customer an tlawm tuk lai, tiin hlawhhlangnu pawl an lungrethei.

2014 ah Unaids nih “Thailand ram ah hlawhhlangnu 123,530 an um” tiin a ruahdamh. Nain, hartong hlawhhlangnu pawl a bawmtu zatlang pawl nih cun ‘let 2 an um lai’ an ti.

Hlawhhlangnu tambik cu Myanmar, Laos, Cambodia le Vietnam in a rami an si. Thailand nu cu an tam lo.

Covid-19 pulrai ruangah Thailand ram ah minung ting 20 leng rian ngei loin an vai lai, tiah cozah nih a ruahdamh. Mah chungah nu no tete tampi an i tel lai.

Thailand ram ah hlawhhlang rianṭuan cu upadi nih a onh lo i 1,000 baht (Kawlram thong 40) dantat khawh le kum tlinglo hlawhhlangnu a hlangtu cu kum 6 tiang thongthlak khawh asi.

Nain, upadi cu biatak tein an zulhter hna lo caah hlawhhlangnu an tam tuk i ramdangmi tampi cu zei dang ruah si loin hlawhhlangnu ruah ah Thailand an tlawng peng.

Ramdangmi tampi cu Thailand an phak cangka in hlawhhlangnu kawl ah zuu dawr, malitnak dawr le karaoke dawr pawl ah an kal colh peng. Kum fatin hlawhhlangnu ruah ah Thailand tlawng ramdangmi an karh chin lengmang.

Covid-19 pulrai ruangah hlawhhlangnu tampi cu thil zuar le sabawiṭhu, tbk., rian dang an kawl.

Nain, Pi Bua bantukin Thailand ram ah phungninglo in a um ramdangmi pawl cu rian an ngah khawh lo caah hawihlei in harnak an ton hi si.

Pi Bua nih, “rawl zuarnak dawr ah rian ka sok i Thailand rammi lawng kan duh an ka ti. Thailand holh cu anmah tluk in ka thiam ko. Hlawt kan tong,” tiah a chim. — Reuters

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -