23.2 C
Hakha
Saturday, February 29, 2020
More

    Tedim peng i sianginn le inn a kaangmi hi 150 million Kyats leng man a si

    Follow Us

    99,932FansLike
    441SubscribersSubscribe

    Ṭial Tharmi

    - Advertisement -

    October 12 zaan i Tedim peng, Tonzang khuate ah Basic Education High School (branch) sianginn le saya/ma umnak inn a kaangmi dihlak man hi Kyats 150 million leng a si tiah Zatlang Zohkhenhnak Vuanci Pu Pau Lun Min Thang nih a ti.

    “Sianginn dihlak i a cheu leng hrawng a kaang. Sunghmi dihlak hi 150 million Kyats leng man a si i hmuh tthannak dingah rampi cozah sinah bawmhnak kan hal lai. Atu hi siangngakchia hna cacawnnak donkham lo dingin biakinn pawl ah ca chimh dingin timhtuah lio a si,” tiah Pu Pau Lun Min Thang nih a chim.

    Mei kanghmi hi Tonzang Basic Education High School (branch) sianginn pakhat le saya/ma umnak inn 5 a si.

    Tonzang Basic Education High School (branch) sianginn ahhin fim a cawngmi siangngakchia 400 leng an um i sianginn cheu a kangh ruangah siangngakchia hna ca cawn tlolh lo dingin an timh tuah cuahmah lio a si.

    “Atu lio ahcun sianginn kai khawhnak dingin tawlrel a hau. Cheukhat biakinn ah sianginn kai dingin ca puai le tthutden pawl chia kho dingin kan timhtuah. Sianginn cu mipi ta a si kan ti ko nain rianttuantu nih ttha tein an zohkhenh a hau.”

    “Ti le mei ral a um. Atu mei kangh ahhin sunghmi a tam tuk. Ngakchia hna an hmailei ca ruah in cozah le mibawmtu pawl i bawm in sianginn cu rianrang in sak a hau” tiah Pu Pau Lun Min Thang nih a chimchap.

    Tonzang Basic Education High School (branch) sianginn chung mei a kanghnak hi Thadingyut sianginn khar ah a tlungmi sayama pakhat umnak inn in aa thok tiah khuami nih an chim. – Chin World

    Nawlnak: Kan website chung ca hi website dangah copy piak lo dingin kan in nawl hna.
    Hniang Zi
    Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.