Atu hi Tedim khua sizung ah Covid-19 mizaw 4 an um i pakhat cu Negative voi 1 a piah cang nain a dang mizaw 3 cu Positive an si rih ko tiah kan theih.

Tedim sizung lutlai Dr. Zaw Myint Naing nih “Case 113 cu Negative voi 1 a piah cang. Mizaw pakhat cu a tak linh a ttum/kai caah thaizing kan test/check tthan lai,” tiah a chim.

Tedim khua sizung ahhin Myanmar ram ah Covid-19 mizaw hmuh hmasabikmi Case 1 telhin amah he aa chawnmi mizaw 5 an i thlop. Mizaw pakhatnak bik pa cu voi 2 tiang a pum ah zawtnak rungrul an hmuh ti lo caah April 30, 2020 ahkhan sizung in a chuak cang.

A tangmi Covid-19 mizaw 4 cu thaizing hi an test/check tthan hna lai.

Covid-19 zawtnak ngeih ruangah Hakha sizung ah a ummi Case 150 zong a pum chung ah zawtnak rungrul voi 2 tiang an hmuh ti lo caah May 13, 2020 ahkhan sizung in a chuak cang.

Atu hi Chin state ah Covid-19 zawtnak ngeimi minung 5 an um i 4 cu Tedim khua ah an um. Hakha ah 1 a um lio a si. – Khonumthung Burmese

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.