5.9 C
Hakha
Saturday, January 16, 2021

COVID-19

Vawleipumpi
94,785,045
A zawmi
Updated on January 16, 2021 9:35 pm
Vawleipumpi
2,027,401
A thimi
Updated on January 16, 2021 9:35 pm
Vawleipumpi
67,446,504
A dammi
Updated on January 16, 2021 9:35 pm

Tanglam in Kawlrammi 26 nan luhpi hna tiin Malaysia rammi 3 biaceihzung an chuahpi hna

Advertisement

Malaysia nuva cu, ‘Myanmar rammi 20 tanglam in phungninglo in nan luhpi hna’ tiin zahan chun ah Kota Bharu Pengkulh Biaceihzung ah an chuahpi hna.

Myanmar rammi 20 cu September thla ahkhan ramri um Kampung Tok Leber Beta khuate ah nan luhpi hna, tiin taza an cuai hna.

Sinain, nuva nih cun an i phuang duh lo. Nuva; Pu Mahussin Sulaiman, kum 48 le PI Mafuzah Md Isa, kum 38 cu biaceihtu Pu Ahmad Bazli Bahruddin hmai ah an chuahpi hna.

Taza an cuai hna ning ahcun, kum 20 in kum 50 kar Myanmar rammi 20 cu September 24 chun hnu 1:30pm ah Kampung Tok Leber Beta khuate ah phungninglo in nan luhpi hna, ti asi.

Nuva hna cu, Phungninglo in Minung Phorh Dohnak 2007 Upadi Dal 26A le Sualman Upadi Dal 34 in tazacuai an si. Biaceihzung nih ‘an sual’ tiin bia a khiah ahcun kum 15 tang thongthlak khawhnak upadi an si.

Mah lio cun midang pakhat, bus mongh rian a ṭuanmi Malaysia pa zong “phungninglo in Myanmar rammi 6 na phorh hna…” tiin biaceihzung ah an chuahpi ve.

Taza an cuai ning ah, September 22 ah Ketereh Bus Station ah an ṭhumhmi kum 20 in 30 kar Myanmar rammi 6 cu passport le visa nung an ngei lo. Phungninglo in na phorh hna, ti asi.

September 22 deihlan 12:15am ah anmah te lawngin na phorh hna i Ketereh Bus Station ah na ṭhumhmi hna Myanmar rammi 6 cu passport le visa an ngei lo. Phungninglo minung na phorh hna, ti asi.

Aa phuang duh ve lo.

Taza an cuainak upadi hi a tambik kum 5 thongthlak lole tangka RM250,000 dantat, asilole a pahnih ningin daantat khawhnak asi.

November 21 ah biaceihzung ah an kong ceih ṭhan asi te lai.

Theihtlei: Tanglam in phungninglo in Malaysia rat cu a har chiahru. Malaysia um Chinmi tam deuh cu tanglam in a rami lawngte kan si. Cun, tanglam in Kawlram a tlungmi zong an tlaih pah lengmang hna. Him tein a tlung khomi zong an tampi ve.

Mah ruangah Malaysia um Chinmi tampi cu Kawlram tlun an duh cun Kuala Lumpur um Myanmar Tanzung ah passport an sok hnu ah Malaysia Lahwahkah Zung ah phungninglo in an um man (upadi an buarmi) daantatnak tangka tlawmpal an liam i vanlawng in phungning tein an tlung tawn.

Sinain, cutin vanlawng in a tlungmi pawl cu Malaysia Lahwahkah Zung nih kum 3 chung Malaysia lut ti lo dingin a bar hna. Kawlram an phak hnu i pawcawmnak rian ngei lo vaivuan in an um tikah Malaysia rat tthan an duh tuk nain visa an ngah kho ti lo.

Cucaah, Malaysia ah rat tthan a duh tukmi cu puaisa pawl nih vok le ar phorh in mawtaw in an phorh tthan hna i a thlithup in tanglam in an ratpi tthan hna. Thailand an phanh hnu cun puaisa pawl nih ramtang ah an thuh ta hna i anmah lawng in paw khim huaha lo ttam lengmang in ni tlawmpal chung an kaltak hna hnu, lam a awng ko cang hih an ti hnu ah an lak tthan hna i Malaysia an luhpi tawn hna.

Tanglam in Malaysia rat cu a har chiahru. A van tthami pakhat hnih zong cu an um ve i an teem tuk lo. Nain zapi (90% hrawng) cu thinphan, pawttam le ramri palek hrial duh ah ramtang lamlo in chukcho kal kha a celhcelh asi lo. Tanglam in rat cu a har tuk i nu hrim cu zaangfak tuk an si, tanglam in rat ter ding an si lo.

Ralbawi Aung San nih Shan state Panglong khua ah bia a rak kan kamhmi mahte khuakhan lairelnak le federal ram kha rak ngah usih law ralkap nih ram an hrawk lai lo i, hi tlukin kan ram a sifak lai lo i hitin ramkip ah pawcawmnak kawl in harnak tuar kan hau hnga lo.

- Advertisement -

Kan Bawm Ve

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si. Lunglawmh thawngthanhnak caah na min le hmanthlak na kan kuat khawh cun kan i lawm chinchin ko hnga.

Ṭial Tharmi

Ṭial Tharmi

COVID-19

Vawleipumpi
94,785,045
A zawmi
Updated on January 16, 2021 9:35 pm
Vawleipumpi
2,027,401
A thimi
Updated on January 16, 2021 9:35 pm
Vawleipumpi
67,446,504
A dammi
Updated on January 16, 2021 9:35 pm
- Advertisement -