16.4 C
Hakha
Thursday, July 29, 2021
- Advertisement -

Ṭial Tharmi

Tamu khua minung umnak inn pawngah bomb puak

Sagaing region — Tuni khuadei hlan 1am hrawngah Tamu khuapi i Leisen lamkam minung umnak inn pawngah bomb a puak. Inn ngeitu cu Meitei miphun asi.

Inn hmai luti khor in a puak i thinginn pakhat le a pawngum inn pakhat cu tlawmpal an rawk.

2019 June 18 zaan zongah Sawbua (8) sang um Meitei hriamtlai chungtel pakhat a inn hmai ah bomb a puak. A thimi le aa hliammi an um lo nain khuami thinphang in a chiah hna.

Tamu khuami Pu Thang Se nih, “Meitei tapung ruangah khuami thinphang in an um. Meithal kah kong sandah kan piah lai ti zongah hriamtlai tapung an tih hna i hmai a kal ngammi an um lo,” tiah a chim.

Bomb a puahnak zawn

“Mah ca chuahnak hmanh ahhin a min tial ngamh lomi an um. Mah ruang cun a ngamhmi lawng nih kan tial.

“Bomb a puah ruangah khuami thinphang in an um. Hnangam tein khua kan sa kho lo. Khuapi chung hna i bomb puah cu. Vawlei zong aa hnin dih. Ngakchia chim lo pa pipi hmanh an thinphang.

“Zalam ah chuah in mah hi doh kan duh. Hruaitu ding an um lo caah ca kan chuah. Hmailei ah hi bantuk um ding kan duh ti lo. A um ṭhan lai ti zong kan phang. Hnangam tein um kan duh,” tiah a chim.

Bomb puah ruangah a rawkmi inn

June 19 ah Tamu Zatlang Bu 5 nih mah kong he pehtlai in cathanh an chuah.

“India ram, Manipur state um Meitei hriamtlai bu 7 cu liamcia 1996 thokin Tamu peng le pawngkam khuate hna ah an hung pem i anmah bu khat le khat cu atu le tu meithal in an i kap, bomb an i puah hnawh. Cutin kum 20 chung pawngkam him loin an chiah i khuami nu le ngakchia pawl thinphang in an chiah cang hna.

“Mah ruang cun Manipur state in a rami Meitei hriamtlai pawl tuahsernak, kahdohnak hna hi kan duh hrimhrim lo,” tiah cozah le mipi theih in cathanh an chuah.

Charhchan: Zalen

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -