15.6 C
Hakha
Sunday, June 20, 2021
- Advertisement -

Ṭial Tharmi

Taang 10 Result cu August Thla ah an Thanh Lai

Hakha — Tu kum cu August thla lawngah Taang 10 result an thanh lai, tiah Fimcawnnak Vuanci Zung sin in kan theih.

Basic Education Department i director general U Tin Maung Win nih, “tu kum cu thla 6 chung lawng ca a chim rihmi pawl zong Taang 10 camipuai phitmi kan check ter hna,” tiah a chim.

“Voi dang ahcun, a tlawmbik kum 2 tal Taang 10 ca a chimmi le kum 58 tang a simi lawng Taang 10 camipuai phitmi check nak nawl kan pek hna.

“Covid-19 ruangah, camipuai phitmi check tu ding saya/ma kan i za lo. Naupawi le nau no a ngeimi sayama pawl cu ca check ter awk an ṭhat lo ruangah thla 6 chung lawng ca a chimmi tiangin ca check dingin kan auh hna.

“Ca check cu June 5 in university 10 ah an thok lai i ni 10 an rau lai. Nain, cazin khumhnak dingah ni 70 hrawng a rauh lai caah August thla hlan ah result thanh khawh asi lai lo.

“Primary sianginn result balte cu June 13 ah kan thanh lai,” ati.

May 26 ah cozah nih, rampumpi ah July 21 lawngin sianginn on asi lai. Taang 9 le 10 on hmasa an si lai, tiah thawng a rak thanh.

Covid-19 ruangah kum dang nak tlai deuh ah sianginn on an timh hi si.

U Tin Maung Win nih, “High School an on zarh 2 hnu ah, middle school le primary school cu on an si te lai,” ati.

“Siangngakchia pawl Covid-19 zawtnak an ngeihnak hnga lo zulhphung ṭha tein tuah hnu ah sianginn cu on an si lai,” ati.

Ngandamnak le Zaanglek Vuanci Zung nih sianginn caah atanglei zulhphung hna hi ruahnak a cheuh hna;

  • Siangngakchia dihlak nih hmaihuh/mask an i hruk hrim lai
  • Khaan chungah pe 6 hlat in an ṭhu lai
  • An kut an i ṭawl lai
  • Sianginn luh hlan ah an taklinh an tah hna lai, cun adang zulh ding zong um len rih.

Pi Aung San Suu Kyi zong nih, “ngakchia hna cu fimnak cawn loin umter awk an ṭha lo,” tiah a rak chim.

Myanmar ram ahcun March 23 lawngin Covid-19 zawtnak aa thok. Vanṭhat ah sianginn khar ka asi caah siangngakchia pawl zawtnak an ngei lo.

Pi Suu Kyi nih, “fimcawnnak zung hruaitu hna nih sianginn on dingin khua an khan hrimhrim a herh. Siangngakchia pawl hi cacawn loin sau tuk an um ahcun cacawn an zuam ti lai lo,” tiah a rak chim. — Myanmar Times [English]

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -