20.1 C
Hakha
Saturday, October 23, 2021
- Advertisement -

Ṭial Tharmi

Syria ram ah Myanmar mipi dirkamhnak zuk suai

Syria zuk suaithiam Aziz Asmar nih Syria ram ah Myanmar mipi dirpi nak zuk a suai.

Syria ram, Idlib khuapi vampang rawkmi cungah “Mipi nih nan tei lai” tiin ca a ṭial i Myanmar mipi nih ralkap duhlonak an langhter lio a suai.

Kawlca in “Ralkap hremuknak kan duh lo, ralkap hremtuknak rawh seh” ti zong a ṭial i Myanmar thantar a suai chih.

Zuk a suaimi hmai ahcun a dir i ralkap duhlo langhternak a kut zung 3 thlir.

Idlib khuapi cu ramchung ral nih a thleh dihmi si. Hika khuami cu an tonmi thil ruangah atu lio Myanmar boruak hi an tuar khawh ngai.

Vawlei pumpi a hnin dihtu Syria ramchung ral cu atu lio Myanmar buainak bantukin, buai lo tein mipi sandahpiahnak in aa thokmi asi.

Kum 2011 ah Syria mipi nih buai lo tein zalam cungah cozah duhlonak sandah an piah. Cozah nih meithal in a kah thah hna. Mah ruangah mipi nih meithal an i zalh ve i atu cun tuksapur buainak fak taktak ah a chuah.

Nihin ahcun an ram buainak kum 10 a tling cang nain cozah cu an thla kho hlei lo. Mipi ting 4 (400,000) leng an thi cang i ting 66 (6.6 million) nih an inn le ram an zaamtak cang.

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -