16.7 C
Hakha
Thursday, June 17, 2021
- Advertisement -

Ṭial Tharmi

Suu Kyi: Fur Kan Phan Cang i ‘Raifanh Thluak Kai’ Zawtnak i Ralring Cio Usih

Raifanh Thluak Kai (Dengue Fever) telh in Fur caan ah a chuak tawnmi zawtnak pawl hi Covid-19 ruangah philh hin hlah uh, tiin Pi Aung San Suu Kyi nih thawng a thanh.

Fur caan ah a chuak tawnmi Raifanh Thluak Kai zawtnak in a thimi hi Covid-19 in a thimi nakin an tam deuh, timi thawngpang zong nan rel cio maw dek.

Zawtnak cu ngeih lo dingin ralrin a ṭha cem. Thlop hau dirhmun phan lo dingin kan i ralrin ahcun, minung temhtuar le tangka dihheu zong kan luat.

Kan rammi vialte nan ngandam seh ti ka duh. Kum upa nan si ah, ngakchia nan si ah, thinlung le pumsa dam tein nan um ding hi kan duhpiak hna.

Covid lawng si loin, ṭihnung zawtnak kip in nan luat ding hi kan duhpiak hna.

Mah vialte chungin luatnak ding ahcun cozah lawng si loin mipi zong ṭuanvo nan ngei ve.

Nangmah, na chungkhar, na pawngkam le na ram dam dingin um cio uh. Covid ral in i vennak caah zulhphung nan zulh bangin ngandamnak caah tuah a herhmi pawl zong nan tuah a herh.

Ngandamnak caah nan i khumherh cio caah a caan cun thinlung re a thei ko nain hmailei caan saupi ca tiang ruah ahcun man a ngei tuk.

Ngandam cu nangmah ca lawng si loin, na ram ca zongah a ṭha bik si, tiah Myanmar Ram Ruahnak Petu Pi Aung San Suu Kyi nih a thanh.

Raifanh (malaria), Raifanh Thluak Kai (dengue fever) le Taifawt (yellow fever) zawtnak pawl cu fikfa sehnak in a chuakmi an si.

Fur ahcun khua a cin i fikfa an tamtuk caah mah zawtnak in kum fatin minung tampi an thi peng. Nan inn ah fikfa um lo dingin thianghlim tein um uh. Nan inn pawng rambua, luti, nawncek, thingkung, tbk., vialte vat in sat dih hna uh. Thingkung le pangpar zong hi fikfa rawl (fikfa leemtu) an si.

Fikfa sii le khiang thawng hman dih ding. Nanmah telh in nan fale zong angki le bawngbi sau i hruk dih ulaw fikfa seh nan luat deuh lai.

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -