Suu Kyi cu case 2 in taza an cuai chap

- Advertisement -

Aung San Suu Kyi cu nizaan ah video call in ralkap nih bia an ceih i sualnak case 2 in taza an cuai chap.

Suu Kyi cu February 1 ah uknak firtu ralkap nih an tlaih hnu in atutiang zapi nih hmuh khawh asi ti lo.

Mipi nih rampumpi ah thih ngamh in ralkap duhlonak le Suu Kyi luatnak caah sandah an piah.

Ralkap le palek nih meithal kuan taktak in sandahpiahtu pawl an kah hna caah Zarhpini lawngah mipi 18 leng an thah hna, tiah UN nih a thanh.

Suu Kyi, kum 75 cu;

  1. “phungninglo in ramdang walkie-talkie na luhpi” tiin le
  2. “Ni kum thimnak tuah lai ah COVID-19 zulhphung buar in vote sawmnak na tuah” tiah ralkap nih an tlaihka ah lih hrokhrawl in taza an rak cuai.

Atu cu, “pehtlaihnak upadi na buar” tiin le “buainak chuahter dingin mipi na forh hna” tiin taza an cuai chap, tiah a sihni Khin Maung Zaw nih a chim.

“Case zeizat remruam in dah taza an cuai chap te lai ti cu kan hngal kho ve lo. Atu ning cun kan ram ah zei paoh a cang khomi si,” tiah Naypyitaw ah thawngla pawl a chimh hna.

Suu Kyi cu Naypyitaw a inn ah ralkap nih an congh tiah theih asi.

Atutiang ah sandahpiahtu mipi 1,100 leng ralkap le palek nih an tlaih cang hna. Minung tampi an thah cang hna.

Tuni hi Brunei hruainak in ASEAN ram pawl nih Myanmar kong online meeting an tuah.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...