23.7 C
Hakha
Thursday, June 24, 2021
- Advertisement -

Ṭial Tharmi

Surbung Airport ah vanlawng ttum khawhnak dingah tlang chimh a hau rih

Chin state i avoi khatnak bik airport, Surbung airport ah bunhmi seh thilri pawl cu an hneksak hna i an tlamtling dih nain vanlawng ttumnak caah vawlei tlawmpal chimh rih a hau, tiah Chin state Sipin Vuanci U Soe Htet nih a chim.

Falam khua pawng ah a ummi Surbung airport cu 97% an lim cang i June 25 in 27 tiang vanlawng ttum an hneksak. Vanlawng le vawlei i tower tung i pehtlaih ning, thli tha tahnak zong ni 3 chung hneksaknak an tuah.

“Vanlawng ttumnak lam kiang i tlangbo 2 (hmanthlak ah asen kulhmi) kha chimh an hau. Mah lo cun vanlawng ttum tik ah ttih a nung.

“Budget kan hmuhmi hoih in a rauh hlan ah tlang cu kan chimh lai. Chimh lo awk ttha lomi a si,” tiah U Soe Htet nih a chim.

Surbung airport ah vanlawng ttum hneksaknak cu June 25 in an thok. Myanmar airline in BEEK-2900 vanlawng phun an hman i airport chak le thlang ah an zuanter hnu ah an ttum ter. Tlangbo an san tuk caah vanlawng luh/ttum a har tuk i ttihnung tuk.

“Tlang 2 an chimh hnu ah hneksaknak an tuah tthan lai. Tluang tein a ttum kho ding a si ko tiin Myanmar vanlawng zung nih a fehter hnu ah onnak puai zong kan tuah te lai,” tiah U Soe Htet nih a chim.

Chin state i avoi khatnak bik airport si dingmi Surbung airport cu a luancia 2015-2016 budget kum in an thokmi a si i rili in pe 6,000 a sannak hmun ah a um.

Surbung airport saknak cu Myanmar Airline nih ttuanvo a lak i airport saknak ah tangka 34 billion Kyats hrawng a dih. – Khonumthung

- Advertisement -

Ṭial Tharmi

Malaysia boss pawl nih ‘lockdown donghter cang’ tiin cozah an hal

Kuala Lumpur: Malaysia Rianngeitu Phu (Malaysian Employers Federation - MEF) nih, "Full lockdown (FMCO) hi a rannak in donghter cang," tiin nizaan ah cozah...

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...
- Advertisement -

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -