18.5 C
Hakha
Monday, July 26, 2021
- Advertisement -

Ṭial Tharmi

Sung Tin Par: Chin state ah NLD nih teinak a hmuh caah kaa lawm tuk

Awttha Sung Tin Par nih Chin state ah NLD nih teinak a hmuh caah kaa lawm tuk, tiah MC ah a chim.

“Tu kum thimnak cu zuamcawhtu party an hung tam ngai. Chin state ahcun tamdeuh cu NLD nih teinak a co.

“Tu kum cu CNLD party zong thazaang tthawng takin a chuak. CNLD ttanhtu an tampi caah ka thinphang pah.

“NLD nih Chin state ah teinak a hmuh ti a si ko nain mee a zor tuk, cutluk piin an i thlau lo. NLD cu kungtthu ka tinhpiak nain a awng fangfang lawng a si tiin ka ruah.

“CNLD zong ka upat hna. A ruang cu tu kum lawng in aa zuammi miphun party a si ko nain a thazaang tthawng i mee tampi a hmuh.

“Cu ruangah, thazaang ka pekmi le mipi thimmi NLD party MP pawl zong nih a luancia kum cu mipi nih Pi Aung San Suu Kyi an dawt le an ttanh ruangah mee an pekmi si i atu a ra laimi kum 5 chung ahhin cun biatak tein rianttuan an hau cang.

“NLD MP pawl nih rianttuan tti dingin mino tampi sawm hna uh. Kan ram, kan state tthanchonak caah a kenkip in fimthiamnak ngeimi mino tampi rian pe hna uh ti forhfial kan duh hna,” tiah Sung Tin Par nih a chimchap.

Cun, naite ah limmi Surbung Airport kong zong ah Sung Tin Par hi hitin a chimfawn.

“Surbung airport hi NLD cozah tlaih chungah tlamtling tein an lim. Kan Chin state ah hi bantuk hin airport a um te lai ti hi chunmang zong kan manh bal mi si lo.

“Tangka tampi hmuhnak a va si/lo zongah state pakhat sinak in airport ngeih cu a herh tukmi a si. Chin state tthanchonak si ko caah hmailei zong ah airport tampi um seh tihi ka thlacamnak a si.

“Chin state ahcun pehtlaihnak lam hi abik in motor lam lawng a si tikah airport tampi um a herh. Motor in zaan 2,3 kal tawnmi kha airport um hnu cun suimilam cheu maw, siloah sml 1 lawng a rauh cang tikah lawmh a um tuk.

“A dang tthancho dingmi zong a tamtuk rih. NLD cozah tlaih chungah aa thlengmi le a tthangchomi a tampi ko nain tuah dingmi le tthancho dingmi a tamtuk rih.

“Sianginn um lonak, lam a tthat lonak le ti a ngah lonak khuate a tamtuk rih. Mah zong cu tuahpiak chap rih dingin hika in forhfial le hal kan duh hna,” tiah Sung Tin nih a chim.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -